Markoviq: Shpresojmë që Maqedonia do të jetë anëtarja e ardhshme e NATO-s
Suksesi i Qeverisë së re të Republikës së Maqedonisë për përparim të Maqedonisë është motivim për rajonin. Kapacitetet e Qeverisë për t’i përpunuar reformat e nevojshme janë të dukshme. Shpresojmë se edhe Republika e Maqedonisë do të bëhet anëtare e NATO-s, theksoi kryeministri i Malit të Zi, Dushko Markoviq gjatë takimit bilateral me kryeministrin Zoran Zaev para fillimit të Samitit në Podgoricë, përcjell Telegrafi Maqedoni.
Siç informoi shërbimi qeveritar për shtyp, kryeministri malazez theksoi se Mali i Zi ka ndarë përvojë të rëndësishme dhe se ka ndryshim të madh në interesin e investuesve të huaj për investim në Mal të Zi pasi që shteti u bë anëtare e NATO-s.
Kryeministri Zaev, ndërkaq, kumtoi se Republika e Maqedonisë ka marrë Qeveri të përkushtuar ndaj reformave dhe integrimeve euroatlantike të shtetit, që duhet të kontribuojnë për jetë cilësore të të gjithë qytetarëve të Maqedonisë.
“Kemi Qeveri stabile, e cila i bashkon të gjithë qytetarët dhe bashkësitë etnike në shtet. Punojmë në mënyrë energjike në ndryshimet e nevojshme, duke i përfshirë të gjithë në qeveri. I zhvillojmë sinqerisht dhe me dinamikë marrëdhëniet e mira fqinjësore. Me këtë, besojmë se i hapim perspektivat evropiane dhe shpresojmë se do të jemi anëtarja e ardhshme e NATO-s”, theksoi Zaev.
Kryetari i Qeverisë, vlerësoi se me Marrëveshjen e nënshkruar ndërmjet Republikës së Maqedonisë dhe Republikës së Bullgarisë për fqinjësi të mirë, me kontaktet intensive në nivel rajonal, si ky dje me kryeminsitrin malazez Markoviq dhe nismat e shprehura rajonale për bashkëpunim, rajoni dërgon porosi pozitive të pjekurisë që, sipas tij, do të shënohen dhe vlerësohen në integrimet evropiane dhe euroatlantike të shteteve, njofton AIM.
Takimi i Zaevit me kryeministrin malazez Markoviq ishte hyrje në ditën e djeshme punuese në Podgorcvë të delegacionit të Republikës së Maqedonisë, që vazhdon me sesion të hapur hyrës në Samitin e vendeve të Kartës së Adriatikut. Kryeministri Zaev është kryesues i Samitit dhe bashkë-nikoqir së bashku me kryeministrin e Malit të Zi, Dushko Markoviq, ndërsa në Samit merr pjesë edhe nënkryetari i SHBA-së Mike Pence. /Telegrafi/
Lufta Prigozhin - Putin
Më shumëPahor po përgatit një draft për dialogun Kosovë-Serbi, fillimisht dëshiron të koordinohet me Borrellin dhe vendet e QUINT-it
“Kursi më i vështirë i ushtrisë, stërviten deri në rraskapitje”, oficeri i FSK-së përfundon me sukses trajnimin Ranger në ShBA
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Mbi 1600 persona të zhdukur nga lufta, Rohde thotë se në tri vitet e fundit nuk është bërë asnjë progres si shkak i bllokadës politike
Sa realist është anëtarësimi i Kosovës në KiE?
Masakra në Mejë “Srebrenica e Kosovës” - thirrja më e fuqishme e Kosovës për drejtësi
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Këto janë vendet ku TikTok tashmë është i ndaluar – dhe nuk janë pak
Florin Krasniqi kërkon mbi 28 milionë euro dëmshpërblim nga Mali i Zi
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
Teknologjia e vijës së portës ka analizuar golin në El Clasico, është konfirmuar se ishte apo nuk ishte
Zelensky tregon tri llojet e armëve që i duhen Ukrainës për të mposhtur Rusinë
Zbulohet favoriti i ri për të fituar Topin e Artë 2024: Haaland mbetet mbrapa në garë