Manchester United ka rikthyer Cristiano Ronaldon në verë dhe ka marrë Raphael Varanen, por pa bindur deri më tani.

Pas një nisje të mirë në kampionat, Djajtë e Kuq kanë pasur probleme dhe tani ndodhen pesë pikë larg liderit, Chelseat.

Gjiganti anglez është i vendosur të bëj transferime të reja gjatë afatit kalimtar të janarit, pasi titulli i kampionit mbetet objektivi i tyre.

Humbja 4-2 nga Leicesteri ka bërë të qartë se United ka nevojë për transferime.

Daily Star ka raportuar se pronarët e klubit kanë vendosur 70 milionë funte, 83 milionë euro në tavolinë për transferimet e janarit.

Reparti i mbrojtjes pritet të jetë pika ku United pritet të bëjë transferime në afatin kalimtar të dimrit.

Megjithatë nuk përjashtohet mundësia që Djajtë e Kuq të tentojnë edhe transferimin e mesfushorit anglez Declan Rice gjatë janarit. /Telegrafi/