Manchester City mposhtet nga Brentfordi – mundësi e artë për Arsenalin ta thellojë diferencën si lider

Manchester City është mposhtur nga Brentfordi në kuadër të javës së 16-të në Ligën Premier me rezultat 2-1.

Pas vetëm 16 minutash lojë, mysafirët kaluan në epërsi me golin e Ivan Toneyt.

Por, Citizens nuk lejuan që të shkonin në pushimin mes pjesëve me humbje 1-0, duke ia dalë t’i barazonin shifrat me anë të Phil Foden (45+1), me Manuel Akanjin që ishte asistuesit.

HALF-TIME | Level at the break 🤝

🔵 1-1 🐝 #ManCity | @NESCAFE pic.twitter.com/h13cAxBAAo

— Manchester City (@ManCity) November 12, 2022

Në pjesën e dytë, Toney kishte mundësinë që në minutën e 67-të ta rikthente epërsinë për Brentfordin, por Ederson bëri një pritje bravuroze.

Më pas, një mundësi të madhe e pati edhe Rodri (73’), por nuk ia doli të shënonte, pasi David Raya bëri pritje vendimtare.

Pushing for that second goal! 👊

🔵 1-1 🐝 #ManCity pic.twitter.com/Q2gFRgSd1D

— Manchester City (@ManCity) November 12, 2022

Kevin de Bruyne më pas e provoi fatin në minutën e 83-të, por Raya ishte sërish në vend dhe ia mohoi golin belgut.

Mirëpo, mysafirët nuk u dorëzuan dhe e rikthyen epërsinë me anë të Toneyt (90+8′), që realizoi golin e dytë personal

Pas javës së 16-të Manchester City vazhdon të jetë në vendin e dytë me 32 pikë, një më pak se lideri Arsenali, e në xhiron e 17-të do të takohen me Leeds United. /Telegrafi/