Drejtori i Milanit, Paolo Maldini la të kuptohet se ai dhe Zlatan Ibrahimovic ‘janë pjesë e projektit për sezonin e ardhshëm’.

Maldini ka folur për të ardhmen e Milanit, ku ai dhe sulmuesi suedez Ibrahimovic pritet të vazhdojnë të jenë pjesë e klubit edhe për sezonin e ardhshëm.

“Ne kemi ndërtuar diçka këtë sezon dhe duhet t’i jepet konsistencë. Kështu që sezoni i ardhshëm do të përpiqet të ndërtojë atë që ne kemi bërë tashmë”, ka thënë fillimisht Maldini për Sky Sport Italia.

Ibra ka vendosur të qëndrojë te Milani Ibra ka vendosur të qëndrojë te Milani

“Në gjithë sinqeritetin, Zlatan Ibrahimovic është pjesë e këtij projekti. Nuk do të jetë një negocim i lehtë, por ne synojmë plotësisht ta mbajmë atë me ne”.

“Kemi shumë lojtarë të rinj që mund të rriten në mënyrë eksponenciale me Ibrën në krah të tyre”.

“Ne mund të kemi mënyra të ndryshme për të arritur objektivat tona, por kemi nevojë për të njëjtin vizion të përgjithshëm se ku duam të përfundojmë, përndryshe nuk do të isha këtu”, përfundoi legjenda e Rossonerëve. /Telegrafi/