Maignan dhe Tomori u abuzuan në mënyrë racore nga tifozët e Cagliarit, kjo krijoi një përleshje mes ekipeve pas ndeshjes

Një përleshje shpërtheu pas fishkëllimës së fundit të fitores 1-0 të Milanit ndaj Cagliarit, pasi kjo thuhet se erdhi për shkak se pati disa abuzime raciste nga tifozët e ekipit vendas.

Mike Maignan ishte më afër fundit të Cagliarit dhe po festonte pas vërshëllimës së fundit, së bashku me bashkëlojtarin e tij Fikayo Tomori.

Megjithatë, dyshja e Rossonerëve u abuzuan në mënyrë racore nga tifozët vendas dhe kjo ndodhi disa herë radhazi.

Maignan vuri njërën dorë në vesh, duke u ‘tallur’ me tifozët dhe duke i nxitur ata të vazhdonin, gjë që tërboi lojtarët e Cagliarit.

Ata menduan se Maignan po provokonte tifozët e tyre dhe reaguan me zemërim, duke shkaktuar një përleshje masive, ku u përfshin lojtarë nga të dyja skuadrat, anëtarët e stafit dhe drejtorin e Milanit, Paolo Maldini, i cili ishte në mes duke u përpjekur të qetësonte të gjithë.

😡 Things got heated after the full-time whistle, with allegations that Cagliari fans racially abused Tomori after the full-time whistle.

📹 @notgiorgia2pic.twitter.com/HD5CiIPwYG

— SempreMilan (@SempreMilanCom) March 19, 2022

Sipas Sky Sport Italia, grindja më pas u përkeqësua mes Zlatan Ibrahimovic dhe Joao Pedro, të cilët vazhduan të ofendonin njëri-tjetrin edhe duke shkuar në tunel.

Fatkeqësisht kjo nuk ishte hera e parë që tifozët ultras të Cagliarit janë fajtorë për abuzim racist, pasi ka pasur disa incidente gjatë viteve të fundit.

Ata kishin fyer gjithashtu sulmuesin e Juventusit, Moise Kean dhe sulmuesin e Interit, Romelu Lukaku, sezonin e kaluar. /Telegrafi/