Disa futbollistë janë liderë në fushë, por në disa raste pas pensionimit ata lidershipin e tyre e shtrijnë edhe në sferën e politikës.
Futbolli është sporti më i popullarizuar në tokë dhe shumë lojtarë famën e fituar në sport dëshirojnë ta shfrytëzojnë duke bërë diçka në politikë.
Më poshtë keni 11 njerëzit që aftësitë e tyre në futboll i shikuan si të dobishme për një ndryshim në politikë, njofton Telegrafi.
11. Andriy Shevchenko
Legjenda e Milanit e la futbollin në vitin 2012 dhe filloi karrierën si politikan në Ukrainë, por ai dhe partia e tij nuk treguan sukses në zgjedhjet e vitit 2012.
10. Pele
Nuk ka emër më të madh në botën e futbollit se Pele. U votua nga FIFA si ‘Lojtari i shekullit’ në vitin 1999, fitues i tri Kupave të Botës, golashënuesi më i mirë në historinë e futbollit dhe me 1.281 golat, ai u bë pjesë e Librit Guinness – pothuajse nuk ka asgjë që Pele s’e ka arritur.
Karriera politike ishte aq e mirë sa edhe ajo sportive. Ai u bë pjesë e botës politike, duke përfshirë Kombet e Bashkuara dhe UNICEF dhe shumë herë doli publikisht duke thënë se dëshiron të luftojë korrupsionin në vendlindjen e tij.
9. Romario
Mbi 1.000 gola në karrierë dhe duke qenë një nga njerëzit më të dashur në Brazil, ai e përdori këtë dhe u bë politikan i suksesshëm. Ai arriti që të jetë pjesë e parlamentit të Rios me 63.4 për qind të votave.
8. Bebeto
Bebeto vazhdon të jetë golashënuesi i pestë më i mirë i Brazilit dhe këtë popullaritet e shfrytëzoi për t’u futur në politikë. Në vitin 2010 në zgjedhjet e përgjithshme në Brazil u bë anëtar i Partisë Laburiste Demokratike.
7. George Weah
George Weah është lojtari më i mirë nga Afrika dhe Topi i Artë në vitin 1995 i ndihmoi shumë. I njohur për karrierën te Milani, Weah është politikan që nga viti 2005, ku nuk arriti të zgjidhet president i Liberisë, por ai vazhdon të jetë pjesë e politikes.
6. Hakan Sukur
Hakan Sukur do mbahet mend gjithmonë për golin e tij në Kupën e Botës, i cili erdhi vetëm pas 11 sekondash me Turqinë ndaj Koresë së Jugut në vitin 2002. Në 112 paraqitje me përfaqësuesen shënoi 51 gola. Sukur u bë politikan në vitin 2011 kur u votua për deputet në Partinë për Drejtësi dhe Zhvillim në Turqi, por dha dorëheqje në dhjetor të vitit 2013.
5. Tomas Renones
Ylli spanjoll ishe pjesë e Atletico Madridit për 12 sezone. Pasataj, ai ishte pjesë e partisë e Independent Liberal Group, por në vitin 2006 u arrestua për korrupsion.
4. Gianni Rivera
Pak lojtarë kanë fituar tituj sa legjenda e Milanit, Rivera. Topin e Artë në vitin 1969, dy Liga të Kampionëve me Milanin dhe Kampionatin Evropian me Italianë në vitin 1968. Pasi vari këpucët, ai iu fut politikës dhe kishte disa poste në vendin e tij.
3. Oleg Blokhin
Oleg Blokhin ishte një sulmues i talentuar i cili i ndihmoi shumë Dinamos së Kievit dhe ish-Bashkimit Sovjetik. Pasi u pensionua u fut në politikë dhe u bë pjesë e parlamentit ukrainas në vitin 1998 dhe 2002.
2. Recep Tayyip Erdogan
Ish-kryeministri i Turqisë, tani president i vendit, në rininë e tij ishte një lojtar i talentuar i futbollit. Ishte pjesë e Kasimpasa S.K, por pas paraqitjeve të mira u kërkua edhe nga Fenerbahce, por babai i Erdogan e ndaloi transferimin e tij. Vlen të theksohet se stadiumi i Kasimpasas mban emrin e Erdoganit.
1. Marc Wilmots
Marc Wilmots ishte një lojtar kyç i përfaqësues së Belgjikës, ku në 70 paraqitje shënoi 28 gola dhe nga viti 2012 deri 2016 u bë edhe trajner i Belgjikës. Wilmots në zgjedhjet federale të vitit 2003 u zgjodh në senatin e Partisë Liberale francez-folëse, Lëvizja Reformiste. Në postin e tij politik, ai qëndroi vetëm për dy vite dhe u kritikua shumë se u largua herët nga politika. /Telegrafi/
Nga Dukagjini Bookstore
Nga Foleja
Nga El Taxi
