Është arritur një marrëveshje mes klubit të Real Madridit dhe skuadrës së parë, skuadrës Castilla dhe skuadrës së basketbollit ku do të ketë ulje prej 10 për qind të pagës së tyre vjetore.

E gjithë kjo vjen si përgjigje ndaj krizës së coronavirusit – duke besuar se sezoni do të kthehet.

Nëse sezoni 2019/20 nuk kthehet rifillon, atëherë ulja e pagave të lojtarëve do të shkojë deri në 20 për qind.

Kjo marrëveshje u negociua me kapitenin e skuadrës së parë Sergio Ramos dhe drejtorin e përgjithshëm Jose Angel Sanchez që përfaqësonte klubin.

Gjesti i lojtarëve vlerësohet shumë nga ata që janë në krye të klubit dhe afërsisht 50 milionë euro, do të kursehen, që me to do të sigurohen pagat e punonjëseve të tjerë në klub, që do të vazhdojnë të marrin 100 për qind të pagave të tyre.

Që kur filloi kriza e coronavirusit, Real Madrid ka humbur miliona.

Nuk janë vetëm paratë që lidhen me ndeshjet, pasi klubi ka humbur edhe nga reklamimi, marketingu, shitja dhe të ardhurat e muzeut. /Telegrafi/