Lojtarët e Barcelonës dhe Realit janë dashur të ndahen në stërvitjen e Spanjës, tensionet nga El Clasico vazhdojnë

Të dielën, Barcelona mundi Real Madridin (2-1) në një atmosferë të elektrizuar dhe në një ndeshje plot faulle dhe provokime të rënda, dhe pasionet nuk u qetësuan as një ditë pas ndeshjes dhe nuk do të qetësohen për një kohë të gjatë.

Përkatësisht, Përfaqësuesja e Spanjës u mblodh të hënën me rastin e kualifikimeve për Kampionatin Evropian dhe me urdhër të trajnerit Luis de la Fuente, lojtarët e Barcelonës dhe Realit u stërvitën veçmas për të shmangur tensionet.

Marrëdhënia është katastrofike, kështu që Alejandro Balde dhe Gavi ishin në njërën anë dhe Nacho, Carvajal dhe Ceballos në anën tjetër.

🧐’GRUPITOS’ en el entrenamiento de la SELECCIÓN

🙄Los jugadores del Barça por un lado, los del Madrid por otro. #ChiringuitoSelección pic.twitter.com/YIhbOZ1LMh

— El Chiringuito TV (@elchiringuitotv) March 21, 2023

Lojtarët e Realit u ankuan veçanërisht për sjelljen e të riut Gavi, duke e quajtur atë inatçi dhe arrogant.

Sigurisht që do të jetë interesante të shihet se si do të shkojnë në fushë, veçanërisht Gavi dhe Ceballos, të cilët duhet të luajnë së bashku në mesfushë.

Trajneri i ri De la Fuente do të debutojë në stol të shtunën kundër Norvegjisë dhe tre ditë më vonë Spanja do të vizitojë Skocinë.

Kujtojmë, me fitoren ndaj Real Madridit, Barcelona ka plus 12 pikë dhe bëri një hap të madh drejt titullit të kampionit të Spanjës. /Telegrafi/