David Neres mund të largohet nga Ajaxi gjatë afatit kalimtar dimëror.
Sulmuesi brazilian falë paraqitjeve të mira ka zgjuar interesimin e skuadrave të mëdha evropiane.
Real Madrid është skuadra më e interesuar për shërbimet e brazilianit dhe është gati të paguajë deri në 60 milionë euro për të.
Mirëpo së fundmi garës për anësorin brazilian i është bashkuar edhe gjiganti anglez Liverpool.
David Neres. (Photo by Michael Steele/Getty Images)
Sipas raportimeve të fundit të mediave angleze, trajneri Jurgen Klopp ka kërkuar nga drejtuesit e klubit transferimin e brazilianit në janar.
The Reds pasi nuk kanë shpenzuar shumë në verë për transferime, janë të gatshëm të paguajnë shumën e kërkuar nga Ajaxi prej 60 milionë eurove për lojtarin.
Gjithsesi interesim për lojtarin kanë shfaqur edhe ekipet tjera si Napoli, PSG, Borussia Dortmund, Bayern Munich e Chelsea. /Telegrafi/
