Liverpooli ka rritur interesin e tyre për mesfushorin e Paris Saint-Germain, Adrien Rabiot.
Reprezentuesi francez ka të ngjarë të bëhet një futbollist i lirë në fund të sezonit.
Kjo pasi ai ka refuzuar disa oferta dhe ka refuzuar të qëndroj te gjiganti parisien.
Refuzimi i kontratës së re ka bërë që shumë skuadra të mëdha evropiane të vihen pas Rabiot.
Sipas gazetës Mundo Deportivo, Liverpooli po udhëheq garën për nënshkrimin e Rabiot pasi thuhet se ka bërë një ofertë "të fuqishme".
Oferta e gjigantit anglez mendohet se ka 'larguar nga loja' Barcelonën që deri tash ishte në 'pole-position'.
Manchester City dhe Milani janë gjithashtu të interesuar për transferimin e 23-vjeçarit.
Rabiot ka qenë në formë të mirë për parisienët, të cilët kanë fituar të gjitha 12 ndeshjet e para në këtë sezon. /Telegrafi/
