Wolves ka arritur ta eliminojë Liverpolin nga Kupa FA, duke e mposhtur me rezultat 2-1.

Të dy trajnerët kishin preferuar të fusnin në lojë futbollistë që nuk kanë pasur minuta aq në kampionat.

Kjo bërë që ndeshje në fillim të mos jetë aq interesante duke munguar edhe rastet.

‘Ujqërit’ kaluan të parët në epërsi.

Ishte minuta e 37-të kur Raul Jimenez arriti ta kalojë në epërsi skuadrën e tij.

Ai mori një top në mesin e fushës pas një gabimi të James Milner, për të shënuar në portën e Mignolet.

Pjesa e parë u mbyll me këtë rezultat, ndërsa më të filluar pjesa e dytë Liverpooli filloi sulmet.

Divock Origi arriti ta barazojë rezultatin në 1-1 në minutën e 51-të.

Divock Origi duke festuar me Xherdan Shaqirin. (Photo by Catherine Ivill/Getty Images)

Por nuk vonoi shumë dhe Wolves e kthyen epërsinë me një gol të bukur nga Ruben Neves.

Xherdan Shaqiri gjuajti bukur nga goditja e dënimit në minutën e 71-të, por shtylla ia mohoi golin.

Pamje nga goli i Ruben Neves . (Photo by Catherine Ivill/Getty Images)

Deri në fund të dy skuadrat provuan që të shënojnë, por pa sukses dhe ndeshja u mbyll me rezultat 2-1. /Telegrafi/