Ligji për Gjendjen Civile do të jetë sërish në seancë nesër në Gjykatën Kushtetuese së RMV-së

Gjykata Kushtetuese në RMV nesër do të mbajë seancën e 45-të, në të cilën ndër të tjera është paraparë të votohet edhe lënda që përfshin dispozitat e kontestuara të Ligjit për Gjendjen Civile.

Kjo temë, siç njoftojnë nga Gjykata Kushtetuese, është vënë në diskutim më 19 korrik 2023, gjatë së cilës diskutimi u shterua, por në fazën e votimit propozimi nuk ka marrë shumicën e kërkuar. Gjyqtari raportues Darko Kostadinovski më pas propozoi që të fillojë procedurë, gjegjësisht në fazën tjetër, Gjykata Kushtetuese të vlerësojë kushtetutshmërinë e tre neneve që përfshijnë të dhënat për kombësinë në regjistrat e lindjeve, martesave dhe vdekjeve nga Ligji për regjistrat, por ky propozim nuk u pranua nuk mori shumicën e nevojshme prej të paktën pesë votave “po”.

Inicues i iniciativës është Partia Politike “E Majta”, dhe dispozitat e kundërshtuara janë neni 4 paragrafi 1 pika 2) në rubrikën “nacionaliteti”, neni 11 paragrafi 1 pika 1) në rubrikën “nacionaliteti” dhe neni 13 paragrafi 1 pika 1 në rubrikën “shtetësia” “, të gjitha nga Ligji për gjendjen civile.

Nga pretendimet në iniciativë, thuhet se sipas kërkuesit, ndjenja e përkatësisë kombëtare është ndjenjë personale e qytetarit dhe nuk mund të vërtetohet me dokument publik, gjegjësisht me një dokument të lëshuar nga një autoritet shtetëror, kryesisht për faktin se liria e shprehjes së kombësisë përfshin të drejtën për të ndryshuar ndjenjën e përkatësisë kombëtare dhe me futjen praktike të grafës së kombësisë në ekstraktin nga librat e lindjes, si regjistrat publikë, i jep fund ndjenjës së shprehur kombëtare./Telegrafi/