Lewis Hamilton e ka barazuar rekordin historik për më së shumti fitore në Formula 1, pas triumfit në garën për Çmimin e Madh të Eifel.

Kjo ishte fitorja e 91-të e pilotit të Mercedesit, aq sa ka fituar legjenda Michael Schumacher në karrierën e tij mbresëlënëse, ndërkohë që britaniku pritet të vë rekord të ri në garat në vijim.

Pas triumfit në garën e zhvilluar në Nurburgring të Gjermanisë, Hamilton e ka rritur në 69 diferencën e pikëve me kolegun e skuadrës, Valtteri Bottas.

Max Verstappen (Red Bull) dhe Daniel Ricciardo (Renault) ishin dy pilotët tjerë që u ngjitën ne podium.

Hamilton është rrugës për të barazuar edhe rekordin e titujve botërorë të Schumacher (shtatë), pasi është vetëm një titull prapa tij. /Telegrafi/