Policia e Kosovës sot gjatë ditës ka arrestuar disa persona në ambientet ku po mbahen provimet për patentë shoferë, më saktësisht në Stacionin e Autobusëve në Prishtinë.

Por për këtë nuk është në dijeni ministri i Infrastrukturës dhe Transporti, Pal Lekaj.

Ai ka thënë për Telegrafin se deri tani nuk ka ndonjë informacion për arrestimin e zyrtarëve të dikasterit që ai drejton, në ambientet ku po mbahej provimi për patentë shoferë në Stacionin e Autobusëve.

“Ne nuk kemi informacione ende për atë se çfarë ka ndodhur sot. Megjithatë unë e kam ripërsëritur disa herë se Ministria është e hapur për organet e drejtësisë, por pres që ajo të shkoj deri në fund”, ka thënë Lekaj për Telegrafin.

Ndryshe, operacioni policor është duke vazhduar në disa lokacione.

Dallaveret me patentë shoferë, policia arreston disa persona Dallaveret me patentë shoferë, policia arreston disa persona

Telegrafi jozyrtarisht ka mësuar së policia ka vënë në pranga një ekzaminer dhe një kandidat për patentë shoferë./Telegrafi/