Basketbollisti legjendar amerikan, Paul Pierce u arrestua në qytetin e Los Anxhelosit për shkak të incidentit që bëri në autostradë.
Konkretisht, në orën 22:40, policia vuri re një makinë të tipit Range Rover të ndaluar në njërën nga korsitë e Autostradës 101 dhe, kur u afruan për të kontrolluar se çfarë po ndodhte, gjetën një burrë duke fjetur brenda.
Aty doli të ishte 47-vjeçari Pierce, dhe një test i alkoolit tregoi se ai po ngiste makinën në gjendje të dehur.
Ish-basketbollisti u arrestua dhe u vu në paraburgim derisa të kthehet në gjendje të mirë, dhe së shpejti duhet të paraqitet para një gjyqtari.
Pierce, i cili luajti për Boston Celtics për 15 vjet dhe u fut në “Hall of Fame” në vitin 2021, nuk donte të komentonte pasi policia njoftoi arrestimin e tij. /Telegrafi/
