Largimi i Ronaldos sjell dy galaktikë te Real Madridi, katër emra në listë

Real Madridi ka filluar punën që të zëvendësojë Cristiano Ronaldon, i cili është larguar drejt Juventusit, ndërsa flitet se dy galaktikë do të vijnë në klub.   

Marrdhënjet e Florentino Perezit me sulmuesin portugez nuk kanë qenë të mira së fundmi dhe kjo bëri që ai të largohet.

Tani të gjithë nga tifozët te bordi i drejtorëve, presin që Perez të shfaqet me një blerje të madhe që do ta zëvendësonte Ronaldon.

Los Blancos do të jenë të suksesshëm edhe pa Ronaldon, por është e qartë se ekipi ka nevojë për blerje të reja që të mund të konkurrojnë në nivele të larta.

Plani është që klubi të nënshkruajë me dy lojtarë të nivelit botëror.

Asnjë lojtar nuk mund të garantojë 50 gola sikurse Ronaldo dhe Julen Lopetegui këtë gjë e di, por kërkon më shumë opsione në skuadër.

Real Madridi ka para, por për të nënshkruar me lojtarët që pëlqehen, atëherë nevojiten më shumë se zakonisht.

Neymar është objektivi i parë, por për të marrë brazilianin në Madrid, duhet të thyhet vendosmëria e Nasser Al-Khelaifit.

Perez u beson sinjaleve të babait të Neymar, por dhe të vetë lojtarit, pasi pa ta oferta nuk do të kishte kuptim.

Kylian Mbappe është një tjetër objektiv i madh, dhe kjo nuk është çështje e parave, por më tepër një ambicie personale.

Ardhja më e mundshme është Eden Hazard, me belgun që mund të blihet për 100 milionë euro.

Ka dyshime për Harry Kane për shkak të historisë së lojtarëve anglezë në LaLiga, si dhe qëndrimin jo aq të hapur kohëve të fundit të Daniel Levyt të Tottenhamit./Telegrafi/