Kush është i dashuri i ri i Emily Ratajkowskit, Stephane Bak? Gjithçka që duhet të dini për aktorin francez

Emily Ratajkowski shijoi një moment me plot pasion me aktorin dhe komedianin, Stephane Bak, ndërsa dyshja zyrtarizuan romancën e tyre.

Supermodelja, 32 vjeçe, dukej se po kalonte një kohë të mirë më yllin francez, 27 vjeçar.

Edhe pse ai nuk është ende i njohur, Stephane ka krijuar një karrierë të suksesshme në Francë.

Ai u shfaq më parë si “Komediani më i ri në Francë” në vitin 2012 kur ishte vetëm 16 vjeç.

Këtu është gjithçka që duhet të dini për aktorin:

Stephane filloi herët në botën e shoëbizit, duke performuar ‘stand-up’ komedi nëpër klube në Paris pak pasi mbushi 14 vjeç.

Ylli franko-kongolez u përjashtua nga shkolla e mesme në vitin 2011 dhe më vonë u autorizua nga Departamenti Francez i Çështjeve Sociale për të filluar punën në moshën 14-vjeçare – duke çuar në karrierën e tij në komedi.

Ai performoi në Festivalin e Komedisë në Montreal në 2011 dhe në vendin e koncerteve Grand Rex vitin e ardhshëm.

I njëjti mori famë të madhe në 2013 kur u shfaq si tregtar në filmin komedi francez “Les gamins”.

Stephane u shfaq në filma dhe video muzikore të tjera franceze në vitet e mëvonshme përpara se të merrej me një rol të vogël në filmin thriller të Paul Verhoeven “Elle” në 2016.

Tre vjet më vonë, ai pati një rol kryesor në dramën “Roads” përballë aktorit të Dunkirk, Fionn Whitehead.

Roli i tij më i dukshëm erdhi në filmin e Wes-it në vitin 2023 “Asteroid City” si student së bashku me Scarlett Johansson dhe Tom Hanks.

Së bashku me karrierën e tij të aktrimit, Stephane ka modeluar edhe për markën spanjolle të modës “Loewe” së bashku me yllin e “The Crown”, Josh O’Connor.

Stephane e ka mbajtur jetën e tij personale larg vëmendjes dhe nuk ka qenë në asnjë lidhje të njohur publikisht.

Emily ishte e martuar më parë me Sebastian Bear-McClard, i cili ndan djalin Sylvester Apollo Bear, dy vjeç. /Telegrafi/