Kryeministri i Republikës së Kosovës, Albin Kurti, ka organizuar pritje për artistët pjesëmarrës të bienales nomade “Manifesta 14 Prishtina”, që ka filluar dje në Prishtinë.
Kryeministri i falënderoi artistët për pjesëmarrjen dhe kontributin në Manifesta, e cila për 100 ditë do të jetë aktive, përditë, në 25 vende të ekspozimit të veprave artistike të 103 artistëve nga 30 shtete.
Ai falënderoi artistët kosovarë të cilët jetojnë në Kosovë dhe ata të cilët janë kthyer që të jetojnë gjatë kësaj Manifeste, sepse, sipas kryeministrit, ky bashkëpunim i artistëve vendorë dhe atyre ndërkombëtarë dhe atyre vendorë që janë në mërgatë dhe atyre vendorë që janë në vend, natyrisht që e rritë shkëmbimin edhe përvojën e të gjithëve.
Në veçanti, kryeministri falënderoi znj. Hedwig Fijen, e cila si udhëheqëse dhe organizatore ka punuar shumë për atë që do të përjetojmë ne gjatë këtyre 100 ditëve.
“Kanë mbetur edhe 99 ditë, pra po i numërojmë teposhtë, në njërën anë gëzohemi që po kemi kaq shumë ditë përpara, por në tjetrën anë hidhërohemi me çdo ditë që na shkon sepse çdo ditë është e papërsëritshme për përvojat dhe për ndjesitë që ne i fitojmë nga Manifesta, tha kryeministri..
Fjala e plotë e kryeministrit Kurti:
“Mirëdita të gjithëve,
Faleminderit shumë për ardhjen në këtë pritje, në kuadër të Manifestas, e cila për 100 ditë do të jetë aktive, përditë në 25 vende të ekspozimit të veprave artistike të artistëve nga 30 shtete, gjithsej 103 prej tyre, duke e ndryshuar kryeqytetin e Republikës sonë dhe duke e na zbuluar sigurisht edhe më të mire, edhe më të bukur atë.
Në veçanti dua ta përgëzoj Yllin, i cili nuk ka pasur nevojë të mundohet shumë gjatë të më bindë për ta shkruar letrën e mbështetjes që Prishtina të jetë nikoqire e Manifestës.
Mirëpo, nuk mund të thuhet më që jemi aq të sigurt se kush janë nikoqirët e kush janë mysafirët. Kufiri është duke u zbehur me shpejtësi meqenëse teksa ne presim artistë nga jashtë vendit, në të njëjtën kohë edhe mirëpritemi në Manifesta e cila paraqet një ngjarje të jashtëzakonshme kulturore dhe artistike që filloi në një mbrëmje të mrekullueshme dje.
Në veçanti dua ta falënderoj zonjën Fijen, e cila si udhëheqëse dhe organizatore ka punuar shumë për atë që do të përjetojmë ne gjatë këtyre 100 ditëve. Kanë mbetur edhe 99 ditë, pra po i numërojmë teposhtë, në njërën anë gëzohemi që po kemi kaq shumë ditë përpara, por në tjetrën anë hidhërohemi me çdo ditë që na shkon sepse çdo ditë është e papërsëritshme për përvojat dhe për ndjesitë që ne i fitojmë nga Manifesta.
Dua ta përshëndes gjithashtu edhe kryebashkiakun e Palermos dhe ambasadorin Italian, shkëlqesinë e tij, Antonelle De Riu, të cilët na kanë nderuar me pjesëmarrjen e tyre sot. Gjithashtu dua të falënderoj artistët kosovarë të cilët jetojnë në Kosovë dhe ata të cilët janë kthyer që të jetojnë gjatë kësaj Manifeste, sepse ky bashkëpunim i artistëve vendorë dhe atyre ndërkombëtarë dhe atyre vendorë që janë në mërgatë dhe atyre vendorë që janë në vend, natyrisht që e rritë shkëmbimin edhe përvojën e gjithë neve e të secilit.
Më vjen keq që është kaq nxehtë, është kaq vapë, por nuk e ka fajin vetëm moti, e kemi fajin edhe ne vetë, të cilët jemi bërë kaq shumë bashkë në një vend i cili duket se ka qenë i vogël për këtë rast.
Faleminderit shumë nga zemra për kontributin e deritanishëm dhe për angazhimin që po e bëni për njëri-tjetrin, për të shprehur veten dhe për shoqërinë e komunitetin në përgjithësi.
Ju faleminderit”.
Promo
Reklamo këtuLufta Prigozhin - Putin
Më shumëArrestime të artistëve shqiptarë në Zvicër? Policia kantonale e Cyrihut konfirmon se ka pasur bastisje në klube nate, por nuk specifikon emra
Meritoni eskalon gjatë debatit, shan me familje banorët në Big Brother VIP Albania
Rike Roçi tregon se u nda nga partneri sapo doli nga BBVA: E mbyllëm me një telefonatë, as nuk e takova
Një fotografi e Kim Kardashianit nga pushimet ka shkaktuar të qeshura në internet, për shkak të detajit të pakuptimtë të saj
Genta Ismajli publikon një video me burrin e saj në TikTok, ku ai ushqehet nga një pjatë e servuar mbi trupin e saj në tavolinë
Emri i saj do të thotë "biznes" - Rita Ora shihet e lumtur në Sydney pasi ka lansuar në treg markën e saj të re të flokëve
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Notat e lojtarëve, Man City 1-1 Real Madrid: Lunin heroi i mbretërve
Komandanti suprem i NATO-s, Cavoli: Po i shtojmë forcat në Kosovë dhe Bosnje, po sjellim artileri të rëndë
Arrestohet një i dyshuar lidhur me rastin e ukrainases që u gjet e vdekur në autostradën Ferizaj-Prishtinë
Sir Alex Ferguson i ofroi lojtarit të Man United 100 mijë euro për t'u tërhequr nga futbolli
Hisen Berisha 'ngacmon' Adelina Ismailin në emision: "Ushtrinë time do ta bëj" ma ke kushtuar mua, sepse po e bëja ushtrinë në atë kohë
Mbretër për Ligën e Kampionëve, Real Madridi fiton ruletin e penalltive dhe eliminon kampionin