Kryeministri Avdullah Hoti e ka pritur dhe uruar boksierin Haxhi ‘Robin’ Krasniqi pas shpalljes së këtij të fundit kampion i botës në boks, ndërsa nuk ka munguar edhe një dekoratë.

Haxhi Krasniqi mposhti gjermanin Dominic Boesel pas vetëm tre raundesh dhe fitoi titullin në kategorinë gjysmë të rëndë.

Ky titull kampion botë nga boksieri nga Juniku ka bërë që në Kosovë të ketë gëzim të madh dhe krerët e shtetit nuk kanë hezituar ta presin dhe ta dekorojnë.

Presidenti Thaçi nderon Haxhi Krasniqin me Medaljen Presidenciale të Meritave Presidenti Thaçi nderon Haxhi Krasniqin me Medaljen Presidenciale të Meritave

I tillë është edhe kryeministri Avdullah Hoti, i cili e ka pritur, uruar dhe dekoruar Haxhi Krasniqin, pas shpalljes kampion bote në boks.

“Haxhi Krasniqi nuk u dorëzua asnjëherë. Me punë të palodhshme dhe përkushtim drejt ëndrrës, ai e ka sjellë në Kosovë titullin e Kampionit të Botës në Boks”.

“Sot, pata nderin ta pres dhe ta përgëzoj për titullin. Uroj që Haxhiu të jetë inspirim për të rinjtë që të aspirojnë, të provojnë dhe t’i prekin ëndrrat”, ka shkruar Hoti në profilin e tij në Facebook. /Telegrafi/

Presidenti Thaçi nderon Haxhi Krasniqin me Medaljen Presidenciale të Meritave Presidenti Thaçi nderon Haxhi Krasniqin me Medaljen Presidenciale të Meritave