Kryebashkiaku i Manchesterit kritikon Eminemin për talljen me tragjedinë e koncertit të Ariana Grandes në këngën e tij

Kryetari i bashkisë së Manchesterit, Andy Burnham ka kritikuar reperin Eminem për një lirik “të panevojshëm të lënduar dhe thellësisht mosrespektues” në lidhje me sulmin që ndodhi në vitin 2017 në këtë qytet.

Në një këngë në albumin e tij të ri, ylli amerikan citon: “Unë po mendoj të bërtas ‘bomba larg’ në lojë / Sikur unë jam jashtë një koncerti të Ariana Grandes duke pritur”.

Kjo pasohet nga tingulli i një shpërthimi, shkruan BBC.

Njëzet e dy njerëz vdiqën kur një sulmues vetëvrasës sulmoi një turmë pas koncertit të Ariana Grandes në ‘Manchester Arena’ në maj të vitit 2017.

Këto vargje citohen në këngën “Unaccommating”, në të cilën ylli krenohet për ndikimin e tij në hip-hop. Kënga është pjesë e albumit të tij më të ri “Music To Be Murdered By”, i cili u publikua të premten.

Në një deklaratë për BBC News, Z. Burnham tha: “Kjo është e panevojshme e dëmshme dhe thellësisht mosrespektim për familjet dhe të gjithë ata që preken”.

Figen Murray, djali i së cilës Martyn Hett vdiq në sulm, gjithashtu shprehu mospranimin e kësaj kënge të premten në mëngjes.

Ish-partneri i Hett, Russell Hayward shprehu gjithashtu mosmiratimin e tij për tekstet e fundit të Eminem, duke shkruar: “Është zhgënjyese, por nuk është për t’u habitur që #Eminem do të përdorte vargje polemike për bombën në Manchester, duke tërhequr përsëri familjet e viktimave dhe Ariana përsëri në një kohë shumë të errët’.

“Nuk jam i sigurt se sa i njohur është ai këto ditë, por shpresoj se çdo sukses që ai merr nga prapa kësaj ia vlen”, shkroi Russell.

Komente të tij u bënë jehonë nga fansat e Ariana Grandes, të cilët e përshkruanin albumin “Unakcommating” si “një përpjekje patetike për të marrë vëmendjen”.

Eminem ndërkohë më parë premtoi mbështetjen e tij për viktimat e ngjarjes tragjike të vitit 2017, duke u bërë thirrje fansave të tij që të dhuronin para për familjet që ishin prekur. /Telegrafi/