Kosta Petrov flet për librin e ri dhe sfidat e tij

Autori i librave motivues dhe ndërmarrësi Kosta Petrov në panairin e librit në Shkup do ta promovojë librin e ri, “Çka do të thonë tjerët”. Për këtë, Telegrafi Maqedoni ka folur me të, rreth librit të ri dhe punës së tij në P World.

E kemi pyetur autorin Petrov për librin e tij të parë “Shihemi në maje” të cilin e ka përkthyer edhe në shqip.
“Jam krenar për suksesin e versionit shqip të librit “Shihemi në maje”. Tre vite më parë patëm një promovim të madh të librit në Tiranë dhe libri tashmë gjendet pothuajse në të gjitha libraritë në Shqipëri dhe Kosovë. Marr çdo ditë mesazhe nga lexuesit shqiptarë dhe është një ndjesi e mrekullueshme kur lexoj se historia ime i motivon njerëzit të punojnë në ëndrrat e tyre, të besojnë në veten e tyre por në të njëjtën kohë të punojnë edhe për veten e tyre. Aktualisht jemi duke punuar për një version shqip të librit tim të ri, i cili shpresoj të jetë i disponueshëm për lexuesit e mi shqiptarë që nga muaji shtator”

Po ky libri i ri, “Çka do të thonë tjerët”… Çka përmban?
“Fillova të shkruaj librin saktësisht pesë vjet më parë, pas eventit të parë të “P World” në Nju Jork. Ishte vërtet një përvojë e paharrueshme. E organizuam eventin në zyrat e Vogue në Manhattan dhe unë po shpërtheja nga energjia pozitive. Doja ta ndaja atë energji me të gjithë! Dhe fillova të shkruaj, por përgjegjësitë e punës bënë të vetën. Sapo u ula seriozisht të shkruaj, ndodhi bashkëpunimi me Tamarën për Eurovizion. Le të kalojë Eurovizioni dhe unë do ta përfundoj. Me siguri do të ketë histori të mira nga ajo përvojë, thashë me vete. Dhe kisha të drejtë.Eurovizioni ishte përvoja më e bukur profesionale e jetës sime. Do të kujtoj gjithmonë 12-tëshet dhe gëzimin që na sollën atë natë në Tel Aviv. Kjo është një histori që ia vlen të tregohet, i thashë vetes dhe u ula të shkruaj seriozisht. Pas vetëm tre muajsh, mora ndoshta vendimin më të vështirë profesional të jetës sime. Nuk kam pasur asnjë frymëzim për të shkruar në periudhën e ardhshme. Dhe thjesht i thashë vetes se ishte koha për të përfunduar këtë libër, theva të dy duart. Vetëm atëherë nuk pata asnjë shans për të përfunduar asgjë. Por ndoshta ka një moment perfekt në jetë për gjithçka. Natyrisht, disa gjëra duhej të më ndodhnin, të kaloja nëpër procese të caktuara, t’i shihja gjërat ashtu siç janë në të vërtetë, pa lloj-lloj manipulimesh emocionale, në mënyrë që më në fund të mund të ulem dhe të tregoja historinë time me një mendje të pastër, siç është me të vërtetë.”

Promovimi i librit “Çka do të thonë tjerët” do të bëhet 4 maj, nga ora 18:00 në Panairin e librit në Shkup, salla Boris Trajkovski.

Çka ka mësuar Kosta deri tani?
E bukura e jetës është se ajo është e mbushur me shumë mësime. Disa prej tyre i mësojmë shpejt, por disa të tjera kërkojnë shumë kohë. Ndoshta mësimi më i rëndësishëm që kam nxjerrë në këto 38 vite është të jem mirënjohës për atë që ke tani, në këtë moment. Ne jemi disi të programuar të ëndërrojmë, të ëndërrojmë një moment që do të vijë dhe të harrojmë të jetojmë në të tashmen. Sot, ky moment është në fakt gjithçka që kemi.

Cilët janë planet e tij?
Disi, pas gjithçkaje që kam përjetuar, në moshën 38-vjeçare dua të shijoj atë që kam. Për herë të parë nuk po bëj plane në jetën time! Jam i hapur për gjithçka por edhe i kënaqur me gjithçka kam. Dhe nuk ka ndjenjë më të mirë se kjo.

Po P World, çka është duke organizuar tani dhe si zhvillohet?
Ende nuk mund ta besoj se kanë kaluar pothuajse 12 vjet nga ngjarja e parë e P World. Jam krenar për suksesin e kompanisë dhe ekipit që kemi. Arritëm të organizonim evente në mbi 40 vende të botës dhe pesë vjet më parë hapëm një zyrë në Montreal të Kanadasë. Në dy vitet e fundit, për shkak të krizës së Covid-it pothuajse të gjitha ngjarjet zhvilloheshin online, por këtë vit kemi filluar dalëngadalë të organizojmë konferenca me takime. Sapo jam kthyer nga ngjarjet tona në Toronto dhe Atlanta dhe tashmë në javën e ardhshme kemi ngjarje në Zagreb, Maltë, Paris dhe më pas Cyrih. Nga shtatori vazhdojmë me një ritëm edhe më të shpejtë dhe tashmë kemi planifikuar evente në Boston, Montreal, Toronto, Lisbonë, Çikago, Bruksel. P World për mua është shumë më tepër se kompania ime. Është një nga udhëtimet më të bukura të jetës që më ka bërë kjo që jam sot.