LAJMI I FUNDIT:

Kosova dhe Franca thellojnë bashkëpunimin kulturor, nënshkruhet marrëveshja mbështetëse mes ministrive dhe ambasadës franceze

Kosova dhe Franca thellojnë bashkëpunimin kulturor, nënshkruhet marrëveshja mbështetëse mes ministrive dhe ambasadës franceze
Foto: MKRS

Republika e Kosovës dhe ajo e Francës kanë thelluar bashkëpunimin ndërshtetëror, duke nënshkruar deklaratën për shprehje të interesit që synon krijimin e marrëdhënieve të qëndrueshme, strategjike dhe territoriale mes dy vendeve.

Reklama

Zotimi është nënshkruar nga ministri i Kulturës z. Hajrulla Çeku, ministrja e Arsimit znj. Arbërie Nagavci, zëvendësministrja Punëve të Jashtme znj. Liza Gashi, dhe ambasadorja e Francës në Kosovë znj. Marie-Christine Butel.

Marrë parasysh frymën e bashkëpunimit ekzistues mes Republikës së Kosovës dhe Republikës së Francës, si dhe aderimin e Kosovës si anëtare e asociuar pranë Organizatës Ndërkombëtare të Frankofonisë në tetor të vitit 2018, palët janë shprehur të gatshme të zgjerojnë bashkëpunimin për ta forcuar këtë lidhje.

Foto: MKRS

Me këtë marrëveshje pala kosovare dhe ajo franceze kanë shprehur interesin për të mbështetur projekte dhe organizime të ndryshme mes Kosovës e Francës, me mjete konvencionale, financiare dhe njerëzore, brenda një kalendari 2022 – 2024.

Projektet i përkasin fushës së kulturës, diplomacisë kulturore dhe arsimit.

Paraqitja në Festivalin e Kanës, në festivalin në Avingon dhe partneriteti me La Manufucture janë vetëm disa nga projektet që synohet bashkëpunimi mes Kosovës dhe Francës madje edhe në bashkëprodhim të filmave.

Një pikë e rëndësishme gjithashtu është mbështetja e industrisë kreative evropiane dhe territoriale, në veçanti nga Ambasada e Francës në Kosovë, dhe Ambasada e Kosovës në Francë, për të mirën e projekteve të para të bashkëpunimit (Horizon Europe / ENFORCE, Creative Europe / Les Jardins de la Paix , Reflektimet e para territoriale (në Hauts-de-France …), në dobi të bashkëpunimit dhe ‘binjakëzimit’.

Ministria e Kulturës, Rinisë dhe Sportit (Foto: Ridvan Slivova/Telegrafi)

Ndër të tjera, Deklarata e shprehjes së interesit, parasheh mobilizimin e akterëve kulturorë, edukativ dhe universitarë si dhe profesionistëve të Kosovës e të Francës për të vendosur marrëdhënie të qëndrueshme strategjike dhe territoriale.

Bashkëpunimi i ngushtë në fushat e trashëgimisë dhe kulturës, me theks në arkeologji dhe në artin bashkëkohorë janë ndër temat e deklaratës, si dhe angazhimi për realizimin të projekteve si Manifesta 14 dhe programi i BE-së, Creative Europe.

Deklarata parasheh përgatitjet strategjike për Samitin e Frankofonisë 2024 dhe për Lojërat Olimpike Paris 2024, gjithashtu evoluimin e statusit të Kosovës pranë Organizatës ndërkombëtare të Frankofonisë.


Në trend Magazina

Më shumë
Prezantuesja kroate dhe legjenda Hierro janë në pritje të fëmijës së parë të përbashkët

Prezantuesja kroate dhe legjenda Hierro janë në pritje të fëmijës së parë të përbashkët

Magazina
Xhuli shkon në mbrëmje të maturës, zgjedh një nga 300 djem kandidatë për t'u bërë shoqëruese

Xhuli shkon në mbrëmje të maturës, zgjedh një nga 300 djem kandidatë për t'u bërë shoqëruese

Magazina
E njohur për figurën e admiruar trupore, Ana Kabashi josh në pozat me bikini

E njohur për figurën e admiruar trupore, Ana Kabashi josh në pozat me bikini

Magazina
Ibrahimovic ka më shumë se 20 vite karrierë pas vetes, ndërsa periudha më e vështirë në jetë lidhet me djalin e tij

Ibrahimovic ka më shumë se 20 vite karrierë pas vetes, ndërsa periudha më e vështirë në jetë lidhet me djalin e tij

Magazina
Dukja elegante e Luizit dhe Kiarës në dasmën e Elgit Dodës dhe Klea Hutës

Dukja elegante e Luizit dhe Kiarës në dasmën e Elgit Dodës dhe Klea Hutës

Magazina
Fjolla Morina thotë se familja e saj ka prejardhjen nga Familja Haklaj në Tropojë

Fjolla Morina thotë se familja e saj ka prejardhjen nga Familja Haklaj në Tropojë

Magazina
Kalo në kategori