LAJMI I FUNDIT:

Kongresisti Torres: Serbia është satelit për Rusinë, Kosova mike e palëkundur e SHBA-së

Kongresisti Torres: Serbia është satelit për Rusinë, Kosova mike e palëkundur e SHBA-së

Pas vendimit të Serbisë për të nënshkruar kontratë të re disavjeçare me Rusinë për furnizim me gaz, ka reaguar kongresisti Ritchie Torres.

Në llogarinë e tij në Twitter, Torres tha se Serbia është satelit i Rusisë, ndërsa Kosova është mike e palëkundur e SHBA-së.


“Duhet kujtuar se Serbia është satelit për Rusinë, ndërsa Kosova është mike e vazhdueshme e SHBA-së. Ne në SHBA kurrë nuk duhet të harrojmë se cilët janë miqtë tanë të vërtetë”, ka shkruar Torres.

Lidhur me këtë, të dielën ka reaguar edhe Zyra e Presidencës së Kosovës.

Blerim Vela, shefi i stafit të presidentes Vjosa Osmani, ka pyetur Bashkimin Evropian se deri kur do ta tolerojë këtë.

“Putin dhe Vuçiq ranë dakord në një telefonatë sot se Rusia do të vazhdojë furnizimin me gaz natyror për Serbinë dhe dy vende do të forcojnë partneritetin e tyre”.

“Serbia, një vend kandidat për në BE, në vend që të përafrohet me sanksionet e BE-së thellon bashkëpunimin me Rusinë. Deri kur BE do ta tolerojë këtë?”, ka shkruar Vela në llogarinë e tij në Twitter.

Serbia, e cila synon t’i bashkohet Bashkimit Europian, kohët e fundit është vënë nën presion nga vendet perëndimore për t’iu bashkuar politikës së jashtme të bllokut për të vendosur sanksione ndaj Rusisë, për shkak të luftës në Ukrainë.

Në vitin 2008 Serbia vuri sektorët e saj të gazit dhe naftës në duart e kompanive ruse.

Gazprom Neft dhe Gazprom së bashku mbajnë shumicën e aksioneve në kompaninë e vetme të naftës në vend, ndërsa Gazprom është aksioneri i shumicës në objektin e vetëm të depozitimit të gazit në Serbi./Telegrafi/

Në trend Lajme

Më shumë
Gruaja e vrarë në Ferizaj një 21-vjeçare, vëllai i saj i plagosur 15-vjeçar

Gruaja e vrarë në Ferizaj një 21-vjeçare, vëllai i saj i plagosur 15-vjeçar

Kronika e Zezë
Vritet një grua dhe plagoset një burrë në Ferizaj, arrestohet i dyshuari

Vritet një grua dhe plagoset një burrë në Ferizaj, arrestohet i dyshuari

Kronika e Zezë
Drejtoresha e Qendrës për Punë Sociale në Ferizaj tregon si ndodhi vrasja e gruas nga ish-bashkëshorti i saj

Drejtoresha e Qendrës për Punë Sociale në Ferizaj tregon si ndodhi vrasja e gruas nga ish-bashkëshorti i saj

Lajme
“Nuk e di kon e kom rreh, nuk e di për çka bohet fjalë”, Sylejman Selimi para gjykatës për krime lufte

“Nuk e di kon e kom rreh, nuk e di për çka bohet fjalë”, Sylejman Selimi para gjykatës për krime lufte

Drejtësi
Gjithçka nga vrasja e rëndë në Ferizaj, mjeku flet për gjendjen shëndetësore të 15-vjeçarit të plagosur

Gjithçka nga vrasja e rëndë në Ferizaj, mjeku flet për gjendjen shëndetësore të 15-vjeçarit të plagosur

Elfije Boletini
Regjistrimi i diasporës, Gërvalla i kërkon mërgatës të regjistrohen

Regjistrimi i diasporës, Gërvalla i kërkon mërgatës të regjistrohen

Lajme
Kalo në kategori