Komuna e Prishtinës hap aplikimin për artistët e pavarur të goditur nga pandemia, që do të marrin subvencione

Kryetari i Prishtinës bëri të ditur javë më parë se Komuna e Prishtinës ka ndarë një buxhet në vlerë 170 mijë euro, për të mbështetur financiarisht artistët e pavarur që janë goditur nga kriza ekonomike e pandemisë globale COVID-19.

Ahmeti ka bërë të ditur se mbështetje ekonomike vlen për artistët e fushave të ndryshme, që nuk kanë asnjë të hyrë që nga pandemia.

Sot (e mërkurë), Komuna e Prishtinës ka bërë të ditur se është hapur aplikimi online, ku të gjithë artistët e pavarur mund të aplikojnë për të subvencionim nga komuna.

Lajmin e ka bërë të ditur vet faqja zyrtare e Komunës së Prishtinës në Facebook, duke publikuar edhe formën e aplikimit.

Ky është njoftimi i plotë nga Komuna e Prishtinës:

“THIRRJE PUBLIKE PËR MBËSHTETJE TË ARTISTËVE TË PAVARUR
Me qëllim të mbështetjes të të gjitha kategorive të shoqërise, Komuna e Prishtinës ka hapur thirrjen publike pën ndarjen e subvencioneve për artistët e pavarur të Komunës së Prishtinës.
Aplikimi është i hapur deri me 16.12.2020 dhe ju ftojmë të aplikoni dhe ta shpërndani këtë informatë.
Për çdo paqartësi ju lutem të na kontaktoni përmes:
Email: kultura.pr@rks-gov.net
Tel: 038226417
Hollësite për procedurat e aplikimit dhe hollësitë e tjera mund ti gjeni në vegëzën:
https://granteperartistet.prishtinaonline.com/
#prishtina”. /Telegrafi/