As takimi i ditës së mërkurës ndërmjet kryetarit të Lëvizjes Vetëvendosje, Albin Kurti dhe kryetarit të Lidhjes Demokratike të Kosovës, Isa Mustafa nuk rezultoi me arritjen e marrëveshjes për bashkëqeverisje mes LVV-së dhe LDK-së. Pas takimit i cili zgjati disa orë, dy krerët e partive nuk u prononcuan për media, megjithatë zëdhënësi i LDK-së, bëri të ditur se nuk ka marrëveshje dhe se takimet mes partive do të vazhdojnë.
Për situatën e krijuar pas certifikimit të zgjedhjeve dhe bisedimet që po bëhen mes Lëvizjes Vetëvendosje dhe Lidhjes Demokratike të Kosovës, për Telegrafin ka folur profesori i Universiteti të Prishtinës, Milazim Krasniqi.
Ai tha kohëzgjatja e bisedimeve ka të bëjë me mosbesimin që ekziston mes LVV-së dhe LDK-së.
“Këtë zgjatjen e bisedimeve e shoh si pasojë e mosbesimit që ekziston mes Lëvizjes Vetëvendosje dhe Lidhjes Demokratike të Kosovës nga e kaluara. Prapë po bëhet një taktik për me u siguru që kjo qeveri të mos ketë probleme, sigurisht këto kanë mundur të zgjidhen më herët meqenëse më 6 tetor është ditur se kush është fituesi, dhe është ditë që do të ketë koalicion por kjo e karakterizon LDK-në me shtyrjen e gjërave. Megjithatë, unë besoj së tashmë janë në prag të arritjes së marrëveshjes, sepse janë konsumuar të gjitha taktikat dhe afatet dhe besoj që së shpejti do të arrihet koalicioni dhe do të realizohet vullneti i zgjedhjeve të 6 tetorit”, ka thënë Krasniqi.
Kurse sa i përket postit të presidentit që LDK po kërkon të përfshihet në marrëveshje, Krasniqi thotë se kjo nuk do të duhej të ndodhte.
“Posti i presidentit nuk do të duhej të përfshihej në këtë marrëveshje, meqenëse posti i presidentit është kushtetues dhe plotësisht i pavarur nga koalicioni, në shumë vende demokratike presidenti mund të jetë i një grupimi tjetër ose i pavarur nga qeveria. Por tek ne është krijuar një praktike e keqe nga e kaluara, ku shihet posti i presidentit në pako të marrëveshjes dhe siç duket kjo do të vazhdojë edhe tash, mendoj që kjo është gabim, sepse presidenti do të duhej të ishte jashtë koalicionit”, potencoi ai.
Lidhur me bisedimet që po bëhen mes LVV-së dhe LDK-së, është deklaruar edhe Arton Demhasaj nga organizata joqeveritare Çohu.
Demhasaj tha se pengesa kryesore në bisedime është posti i presidentit që po e kërkon LDK.
“Posti i presidentit është pengesë për mos arritjen e një marrëveshje mes LVV-së dhe LDK-së. LDK është këmbëngulëse dhe me çdo kusht e kërkon postin e presidentit dhe kjo të përfshihet në marrëveshje. Në anën tjetër është LVV e cila kategorikisht e kundërshton këtë, sepse e ka kundërshtuar edhe në të kaluarën zgjedhjen e presidentit nga ana partive politike. Pra ky është problemi kryesor që nuk po arrihet me u tejkalu dhe me shku drejt një marrëveshje për koalicion bashkë qeverisës”, u shpreh ai për Telegrafin.
Demhasaj tha se ekzistojnë dy mundësi që LVV dhe LDK të mund të arrijnë marrëveshje pa përfshirë postin e presidentit.
“Këto dy parti mund të arrijnë një marrëveshje duke anashkaluar postin e presidentit dhe kur vjen koha për të filluar procedurat ligjore për zgjedhjen e presidentit të ri, të dakordohen dhe presidenti të mos jetë as nga LVV e as nga LDK, po të jetë figurë konsensuale që vërtetë kish mundur të luaj rolin kushtetues që është unifikimi i faktorit politik. Opsioni i dytë është që këto dy parti me u marrë vesh dhe kur të krijohet qeveria të fillojnë me reforma zgjedhore që kanë një vit kohë për ta bërë këtë reformë zgjedhore e që në këtë reformë zgjedhorë do të ndryshohej që presidenti të zgjidhej nga populli e jo nga kuvendi. Pastaj kur të vjen koha për zgjedhje për president, populli të vendos se kush duhet të jetë”, ka thënë ai.
Ndryshe, presidenti i Kosovës, Hashim Thaçi ka marrë vendim që mbledhja e parë e legjislaturës së shtatë të Kuvendit të Kosovës të mbahet më 24 dhjetor, duke filluar nga ora 09:00.
Në njoftimin e bërë nga presidenca thuhej se kryetari dhe kryesia e legjislaturës së gjashtë e Kuvendit të Republikës së Kosovës, në pajtim me legjislacionin përkatës në fuqi, do të përgatisin propozimin e rendit të ditës për mbledhjen e parë të legjislaturës së shtatë të Kuvendit të Republikës së Kosovës. /Telegrafi/
Lufta Prigozhin - Putin
Më shumë"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Çitaku: Rezultati i zgjedhjeve të përgjithshme do të jetë befasues
Rashiq për stërvitjet ushtarake serbe: Duan vetëm t’i tregojnë muskujt
Arrestohen 17 persona në Serbi, falsifikonin dokumente të pronave të serbëve për shqiptarët nga Kosova
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
Skandali i ri diplomatik i Vuçiqit në New York – ofendoi sllovenët, vjen reagimi i ashpër i Lubjanës zyrtare
KSHZ publikon rezultatet e para përfundimtare, këto janë rezultatet
Bujar Osmani shpall fitore: Dallimi është mbi 40 mijë vota ndaj Taravarit
Del rezultati përfundimtar në Gostivar, këto janë rezultatet
Arrestohen 17 persona në Serbi, falsifikonin dokumente të pronave të serbëve për shqiptarët nga Kosova
Zbulohen dy kërkesat që Laporta ia bëri Xavit në një takim urgjent – njëra ka të bëjë me Guardiolën