Jurgen Klopp ka thënë se Jadon Sancho është njëri ndër talentët më të mëdhenj në botën e futbollit.

Sulmuesi i talentuar shkëlqeu në fitoren 3-2 të Borussia Dortmundit ndaj Liverpoolit, e që trajnerin gjerman kishte vetëm lëvdata për anglezin.

I pari i The Reds, që ishte trajner i skuadrës gjermane, ka deklaruar se 19-vjeçari mund të bëhet njëri ndër lojtarët më të mirë në botë në vitet e ardhshme.

Jadon Sancho kundër Liverpoolit (Foto: Joe Robbins/Getty Images/Guliver)

“Shpejtësia dhe kontrolli që ka mbi trupin e tij, e bën atë si një lojtar unik dhe të rrezikshëm për kundërshtarët”, ka thënë Klopp pas humbjes nga ish-skuadra e tij.

“Të jesh i mirë në hapësira të mëdha dhe ato të vogla, të bën një lojtar shumë interesant dhe të kërkueshëm nga të gjithë – kështu është Jadon”.

Dhjetë lojtarët më të vlefshëm në botë momentalisht - Mbappe i pari, Messi i katërti, Ronaldo as në 'top 10' Dhjetë lojtarët më të vlefshëm në botë momentalisht - Mbappe i pari, Messi i katërti, Ronaldo as në 'top 10'

“Në vitet e ardhshme ai mund të bëhet njëri ndër lojtarët më të mirë në botë. Është kënaqësi ta shikosh atë duke luajtur”, ka shtuar më tej gjermani.

Jadon Sancho është bërë cak i shumë skuadrave në këtë afat kalimtar, mirëpo Dortmundi po refuzon ta shesë në këtë verë edhe pse i ka caktuar një vlerë prej 100 milionë eurosh. /Telegrafi/