Trajneri i Liverpoolit, Jurgen Klopp ka publikuar listën me futbollistët e ftuar për finalen e Ligës së Kampionëve ndaj Tottenham Hotspur.

Reds do të luajnë ndaj Spurs të shtunën mbrëma në finalen e madhe të Ligës së Kampionëve në Wanda Metropolitano të Madridit.

Kjo është finalja e dytë radhazi për klubin nga Anfield dhe drejtuesit dhe të gjithë në klub duan ta fitojnë trofeun.

Super-kompjuteri parashikon fituesin e Ligës së Kampionëve dhe shënuesit në finale Super-kompjuteri parashikon fituesin e Ligës së Kampionëve dhe shënuesit në finale

Sot (e premte) Klopp ka publikuar listën prej 23 futbollistëve të ftuar për këtë finale, pasi ekipi është nisur nga Aeroporti John Lennon në drejtim të Madridit.

Lista e Kloppit nuk ka asnjë befasi dhe pa mungesa, ndërsa pjesa e saj është edhe ylli me prejardhje shqiptare, Xherdan Shaqiri.

Pas një ndryshimi në rregulloret e UEFA-s, Klopp do të lejohet të emërojë deri në 12 zëvendësues për përballjen me Spurs.

Lojtarët e ftuar për finale: Alexander-Arnold, Alisson, Brewster, Fabinho, Firmino, Gomez, Henderson, Kelleher, Lallana, Lovren, Mane, Matip, Mignolet, Milner, Moreno, Origi, Oxlade-Chamberlain, Robertson, Salah, Shaqiri, Sturridge, Van Dijk, Wijnaldum.

 /Telegrafi/