Klopp mund të luajë një rol të madh për t’ia pamundësuar Liverpoolit transferimin e top yllit

Jurgen Klopp mund të ketë një ndikim të madh nëse Liverpooli nënshkruan me një lojtar nga Bundesliga për të cilin Arne Slot thuhet se e do shumë. 

57-vjeçari u largua nga Liverpooli në fund të sezonit 2023/2024 pas nëntë sezoneve në ‘Anfield’. 

Që prej atëherë Slot ka marrë drejtimin e klubit teksa Liverpooli është lider në Ligën Premier me katër pikë më shumë se vendi i dytë, ndërsa mbajnë pozitën e parë edhe në Ligën e Kampionëve. 

Liverpooli raportohet se ka shprehur interesim për sulmuesin e PSG-së (në huazim tek Leipzig) Xavi Simons. 

Simons aktivizohet në krahun e majtë të sulmit kështu që ai nuk do të ishte një zëvendësues i Salah, por mund të veprojë si konkurrent i Cody Gakpo dhe Luis Diaz. 

Sipas një raportimi të fundit nga The Athletic, Liverpooli mund të konkurrojë me Barcelonën, Bayern Munich dhe Real Madrid për të siguruar shërbimet e holandezit. 

Lexo po ashtu Agjenti i yllit të Juventusit zbulon se si refuzuan mega kontratën e Liverpoolit

Tani, shefi i BILD, Christian Falk, ka zbuluar se Leipzigu po planifikon ta përdorë Kloppin si ‘armë sekrete’ për t’u siguruar se ata do ta transferojnë përfundimisht lojtarin. 

Kjo për faktin se që nga data 1 janar, Klopp do të nis detyrën e tij të re tek Red Bulli si shef i tyre ndërsa tashmë dihet se ata e kanë nën menaxhim edhe Leizpigun./Telegrafi/