Kim Kardashian dukej e pabesueshme të enjten teksa shkonte në zyrën e “Dolce & Gabbana” në Milano.

41-vjeçarja tregoi belin e saj të vogël e veshur me një kostum të ngushtë me detaje të çmuara verbuese – të dizajnuara nga marka e nivelit të lartë, shkruan DailyMail.

Nëna e katër fëmijëve e kompletoi pamjen me doreza të zeza elegante dhe e ngriti lartësinë e saj me një palë çizme me taka të zeza teksa po dilte nga hoteli i saj në qytetin italian.

Kim i kishte stiluar flokët e saj bionde në një dizajn voluminoz, ndërsa zgjodhi një makijazh të lehtë për fytyrën.

Reklama

Ylli i serialit “Keeping Up With The Kardashians” thuhet se ka blerë një shtëpi të re në Kaliforninë Jugore, të cilën e kanë në pronësi supermodelja Cindy Crawford dhe bashkëshorti i saj Rande Gerber.

Reklama

Kim dyshohet se pagoi 70.4 milionë dollarë në një pronë buzë oqeanit në Malibu në një marrëveshje jashtë tregut, sipas The Dirt. Ka katër dhoma gjumi dhe pesë banja e gjysmë brenda në një hapësirë mbi 7000 metra katrorë.

Blerja e re është rreth 14 milje larg nga shtëpia që ish-bashkëshorti i saj Kanye West, 45 vjeç, bleu kohët e fundit për 57 milionë dollarë në enklavën ekskluzive bregdetare.

Reklama

Themeluesja e markës “Skims” nuk do të duhet të shqetësohet për fansat që përpiqen të hedhin një vështrim brenda vendit të saj në plazh, pasi shtëpia është e padukshme nga rruga dhe prona është e rrethuar nga një mur gardh dhe një portë e lartë.

Pas mureve, familja mund të shijojë katër dhoma gjumi dhe pesë banja e gjysmë në rezidencën prej 7500 metrash katrorë.

Reklama

Brenda ka një palestër ku Kim mund të kryejë stërvitjet e saj të përditshme. Një dhomë e madhe familjare me një oborr të hapur ka pamje nga oqeani. Familja mund të mblidhet për ushqim në dhomën e ngrënies gjysmë formale e cila gjithashtu ka pamje nga deti.

Reklama

Jashtë, ata mund të shijojnë grill rreth oxhakut të oborrit, të strehohen nga era në një kabane dhe të lehtësojnë tensionin e ditës në pishinë ose xhakuzi.

Fqinjët e saj përfshijnë: Cindy Crawford, e cila ende zotëron një pjesë të pronës së lirë pranë shtëpisë, Leonardo DiCaprio, këngëtarin Neil Diamond, producenten televizive Marcy Carsey dhe ish-CEO i Disney, Michael Eisner. /Telegrafi/