Khephren Thuram elektrizon tifozët e Liverpoolit me veprimin në rrjetet sociale

Mesfushori i Nice, Khephren Thuram ka lënë të kuptohet për të ardhmen e tij pasi reagoi në raportimet për lëvizjen e afërt të Alexis Mac Allister në Liverpool.

Argjentinasi duket se do t’u bashkohet The Reds nga Brighton në ditët në vijim pasi thuhet se ra dakord për kushtet personale me klubin Merseyside.

Eksperti i transferimeve Fabrizio Romano pretendon se 24-vjeçari ka rënë dakord të bashkohet me Liverpoolin.

Lexo po ashtu Mac Allister mund të quhet lojtar i Liverpoolit - por sa do të fitojë në javë në Anfield

“Alexis Mac Allister në Liverpool, ja ku shkojmë! Marrëveshja e plotë përfundoi mbi kontratën – mësohet se do të jetë e vlefshme deri në qershor 2028. Marrëveshje pesëvjeçare”, shkroi në Twitter Romano.

“Liverpool do të paguajë klauzolën e blerjes në ditët në vijim, shumë më pak se tarifa e raportuar prej 68 milionë euro. Testet mjekësore në 24/48 orë. E përfunduar”.

Mac Allister tani duket se do të bëhet nënshkrimi i parë i Liverpoolit në afatin e verës, i cili hapet zyrtarisht për klubet angleze më 14 qershor.

Khephren Thuram appears to have liked a post about Alexis Mac Allister’s move to Liverpool 👀 pic.twitter.com/BYtibJgAUI

— Anfield Edition (@AnfieldEdition) June 5, 2023

Ndërsa, Thuram ka nxitur spekulimet se ai mund të jetë në rrugën e tij për në Liverpool këtë verë pasi ‘pëlqeu’ një postim në Instagram rreth marrëveshjes së Mac Allister për t’u bashkuar me Reds.

Postimi, i publikuar nga 4-3-3, tregonte një foto të Mac Allister duke festuar me fanellën e Liverpoolit.

Sipas L’Equipe , Liverpool po përgatit një ofertë për Thuram, me Nicen të gatshëm ta lërë atë të shkojë nëse çmimi i tyre i kërkuar prej 40 milionë euro përmbushet. /Telegrafi/