Ish-kampioni i padiskutueshëm i UFC-së, Khabib Nurmagomedov ka treguar zgjedhjen e tij për luftëtarin më të mirë në botë.

Khabib e di saktësisht se çfarë duhet për t’u bërë më i miri absolut nga më të mirët, pasi ishte vet mbret i UFC-së.

Si njëri nga luftëtarët më me përvojë dhe më të suksesshëm që ka luftuar ndonjëherë në tetëkëndësh, njerëzit ulen dhe dëgjojnë kur Khabib flet, kështu që vlerësimi i tij për luftëtarin më të mirë në botë ‘kile për kile’ sigurisht që ka peshë.

Renditja e re në UFC pas pensionimit të Khabibit – në listë gjenden më të mirët e të gjitha kohërave Renditja e re në UFC pas pensionimit të Khabibit – në listë gjenden më të mirët e të gjitha kohërave

Jon Jones aktualisht është në krye të renditjes së UFC-së, por kjo nuk është e mjaftueshme për Khabib.

Të dielën, ai postoi një fotografi në Instagramin e tij privat me Kamaru Usman dhe aty zbuloi se kush është më i miri sipas tij.

“Me luftëtarin më të mirë në botë kile për kile. Usman”, ka shkruar Khabin në postimin e tij.

Ndryshe, kampioni i peshave të mesme, Usman ka 19 fitore nga 20 lufta dhe është njëri nga superyjet më të nxehtë në UFC tani.

Usman aktualisht është duke u përgatitur për një ndeshje ndaj rivalit të urryer, Covington, me të cilën do të jetë një rimeç nga ngjarja e UFC 268 në Nju Jork.

Usman mbron titullin në UFC, mposht me nokaut të çmendur Masvidalin Usman mbron titullin në UFC, mposht me nokaut të çmendur Masvidalin

Dyshja janë në rrugë për të rinovuar rivalitetin e tyre në Madison Square Garden më 6 nëntor.

Jones, ndërkohë, do të kthehet në tetëkëndësh vitin e ardhshëm për shkak të një mosmarrëveshjeje të vazhdueshme të pagesës me UFC. /Telegrafi/