Këshillat më të mira për të humbur peshë gjatë menopauzës

Femrat të cilat janë duke kaluar në fazën e menopauzës janë më të rrezikuara nga shtimi i peshës për shkak të reduktimit të niveleve të estrogjenit.

Procesi natyrali plakjes gjithashtu u kërkon femrave që gjatë menopauzës ta përvetësojnë një stil të shëndetshëm të jetesës dhe të performojnë ushtrime aerobike për të humbur peshë më shpejt, transmeton Telegrafi.

Përse humbja e peshës është e vështirë për femrat gjatë menopauzës?

Femrat të cilat nuk kanë cikël menstrual për 12 muaj radhazi veçse e kanë arritur fazën e menopauzës. Gjatë kësaj periudhe, është më sfiduese për femrat të humbin peshë sepse yndyra e tyre trupore rritet dukshëm.

Fillimisht, nivelet e tyre të estrogjenit reduktohen jashtëzakonisht shumë.

Kur kjo të ndodh, ato janë më të prira të shtojnë peshë sepse ky hormon femëror është përgjegjës për karakteristikat fizike, mirëmbajtjen e shëndetit të eshtrave, për rregullimin e ciklit menstrual dhe për nivelet e kolesterolit.

Megjithëse shtimi i peshës nuk është rezultat ekzakt i menopauzës, një artikull i publikuar në “Taylor and Francis Online” ka pohuar se kjo periudhë e rritë yndyrën totale të trupit dhe atë abdominale te femrat gjatë menopauzës.

Në fakt, doktorët e ndërlidhin menopauzën me shtimin e tepërt të peshës, gjë e cila mund të shpie edhe në tip 2 të diabetit dhe në sëmundje të zemrës.

Proceset natyrale të plakjes dhe stili i pashëndetshëm i jetesës gjithashtu e bëjnë të vështirë që nënat të humbin peshën e tepërt.

Siç tregojnë ekspertët, mosha i bën njerëzit më pak aktivë fizikisht dhe metabolizmi i tyre ngadalësohet. Këto shkaktojnë rritje të yndyrës në trup për shkak të reduktimit të masës muskulore.

Gjatë menopauzës, femrat gjithashtu përjetojnë skuqje dhe djersitje gjatë natës, gjëra të cilat ua pengojnë atyre gjumin e mirë. Sipas studimeve, gjumi i dobët apo mungesa e gjumit po ashtu shpijnë në humbje të peshës.

Aktiviteti i rregullt fizik

Një studim i publikuar në “Sexual Health and Menopause Online” ka pohuar se ushtrimet aerobike e promovojnë humbjen e peshës dhe e përmirësojnë shëndetin fizik. Gjithashtu e zvogëlojnë edhe yndyrën trupore pas menopauzës.

Dieta e shëndetshme

Sipas “Medical neps Today”, ndryshimet në dietë patjetër se e promovojnë humbjen e peshës. Dieta duhet të përfshijë përbërës të cilët janë të mbushur me vlera ushqyese, siç janë pemët dhe perimet, proteina dhe drithërat.

Terapitë alternative

Stresi është një ndër faktorët që gjithashtu e shkakton shtimin e peshës.

Terapitë alternative si hipnoza, joga, meditimi dhe tretmanet bimore shpijnë në humbjet ë dukshme të peshës dhe jua zvogëlojnë nivelet e stresit. /Telegrafi/