Kërkohet nga skuadrat e mëdha, Brentfordi i njofton për çmimin e David Rayas

David Raya është një nga portierët më të mirë këtë edicion në elitën e futbollit anglez Ligën Premier.

Portieri spanjoll ka pasur paraqitje fantastike te Brentfordi duke shkëlqyer me pritjet e tij.

E falë paraqitjeve të mira, Raya është gati për ta bërë hapin e madh në karrierë, pasi është bërë objektiv kryesor i Chelseat dhe Manchester United për portën.

27-vjeçari ka kontratë me skuadrën bardhekuq edhe një vit dhe Brentford ka vendosur ta shesë atë pasi Raya nuk dëshiron ta vazhdoj kontratën.

Skuadra angleze tanimë i ka njoftuar dy gjigantët e Ligës Premier se për ta marrë Rayan duhet paguhen 40 milionë euro.

Si Chelsea ashtu edhe Man Utd pritet të bëjnë ndryshime në portë dhe RAya është objektivi kryesor i tyre.

Lexo po ashtu Chelsea ka tre portierë në listë, njëri do të transferohet në verë në 'Stamford Bridges'

Reprezentuesi spanjoll është në futbollin anglez që nga viti 2012 kur fillimisht ishte bashkuar me akademinë e Blackburnit, derisa pjesë e Brentfordit është që nga viti 2019.

Raya ka mbrojtur këtë edicion në 35 ndeshje në Ligën Premier, ku 11 prej tyre e ka mbajtur portën e paprekur. /Telegrafi/