Joshua: Planifikoj mbajtjen e rripave për 10-15 vite, nuk shqetësohem për tre meçet e radhës

Anthony Joshua këmbëngul se ai është i përqendruar në mbajtjen e rripave të tij “me çdo mjet” pas fitores së tij në raundin e 10-të kundër Carlos Takam në Cardiff të shtunën në mbrëmje.

Kampioni 28-vjeçar i botës në WBA dhe IBF i peshës së rëndë të peshave të rënda pësoi një thyerje të hundës përpara se të shkatërronte kamerunaso-francezin e ashpër për një fitore të 20-të të njëpasnjëshme me nokaut.

Promoteri i njohur i boksit, Eddie Hearn planifikon të vendosë tri luftime për Joshuan në vitin 2018, por ylli i pamposhtur është më i fiksuar në një strategji afatgjatë për 10 vitet e ardhshme.

“Unë jam duke u përqendruar vetëm në mbajtjen e rripave të mia me çdo mjet”, ka thënë Joshua pas fitores së tij ndaj Takam në Principality Stadium të Cardiffit.

“Mendoj se WBA ka një vend të detyrueshëm kështu që tre luftërat (meçet) e mia të ardhshme mund të jenë një detyrim që duhet të plotësoj nëse dua të mbaj rripat”.

“Në mendjen time, unë jam vetëm duke u përqendruar në mbajtjen e rripave të mia dhe duke bërë mirë nga këtu dhe duke fituar e fituar”.

“Nuk ka të bëjë me luftën e 21-të ose me luftën e 22-të, janë rreth 15 luftëra (meçe) këtu – 10 apo 15 vjet”.

“Nuk jam vetëm i shqetësuar për tre luftërat e mia të ardhshme, unë kam për të planifikuar strategjinë afatgjatë me Rob dhe Eddie”, përfundoi anglezi.

Mbi 75,000 tifozë mbushën stadiumin kombëtar të Uellsit të shtunën mbrëma, gjashtë muaj pasi Joshua dhe Klitschko prodhuan një klasike boksi për 90 mijë  spektatorë në stadiumin Wembley.

Promotori Hearn beson se Joshua ka aftësinë për të luftuar kudo që ai zgjedh në sajë të shfaqjeve ikonike që ai bënë. /Telegrafi/