Mesfushori italian i Chelseat, Jorginho, i cili ka fituar çdo trofe këtë sezon me klub dhe kombëtare e pranon se ka filluar të ‘mendojë pak’ për fitimin e Topit të Artë, ndërsa ka zbuluar histori nga fëmijëria e tij dhe koha si adoleshent në Itali.

Jorginho e nisi nga stoli ndeshjen e Superkupës së Evropës kundër Villarrealit në Belfast, sepse ai vetëm kohëve të fundit filloi stërvitjet para-sezonale pasi shkoi deri në fund dhe fitoi Euro 2020 me Italinë.

Sidoqoftë, ai dha një intervistë për Amazon Prime Video Italia para fillimit, ku tregoi se tani ka apetitet për Topin e Artë.

Braida: Jorginho dhe Donnarumma favorit për Topin e Artë, Chiesa mund ta fitojë në të ardhmen Braida: Jorginho dhe Donnarumma favorit për Topin e Artë, Chiesa mund ta fitojë në të ardhmen

“Gjithçka filloi për mua në Verona. Mbërrita në moshën 15-vjeçare, në vitin 2006, kur paguhesha vetëm 20 euro në javë. Unë blija një ‘milkshake’, e cila kushtonte 1 euro, ulesha në shkallët e Piazza Bra dhe kaloja gjithë pasditen duke shikuar njerëzit që kalonin pranë”.

“Unë u ktheva atje kohëve të fundit dhe vendosa të marr të njëjtën pije për 1 euro, të ulem përsëri në ato shkallë, pas gjithë atyre viteve të sakrificave. Ishte vërtet emocionale për mua ta bëja përsëri, të gjitha vetëm”.

Jorginho u pyet se çfarë këshille do t’i jepte vetes në moshën 15-vjeçare.

“Të besosh gjithmonë në veten tënde dhe të mos heqësh dorë kurrë. Momente të vështira do të vijnë gjithmonë, shumë njerëz do të duan t’ju rrëzojnë, por gjithmonë mund të mbështeteni në ata që janë pranë jush. Askush nuk mund të thotë se çfarë do të jetë e ardhmja, ju do ta vendosni atë”.

Mesfushori kaloi pastaj në Napoli, pastaj ndoqi Maurizio Sarrin në Chelsea dhe fillimisht luftoi për t’u përshtatur në atmosferë tjetër.

“Kalimi në Ligën Premier më ndihmoi të përmirësohem fizikisht. Para se të vija këtu, do të përpiqesha më shumë për të lexuar lojën për ndërhyrjet e mia, pastaj mbërrita në Angli dhe u përshtata”.

“Jorginho meriton të fitojë Topin e Artë para Messit”, Zola befason me fjalët e tij “Jorginho meriton të fitojë Topin e Artë para Messit”, Zola befason me fjalët e tij

Pasi fitoi Ligën e Kampionëve me Chelsean dhe Euro 2020 me Italinë, Gianfranco Zola tha se Jorginho duhet të jetë në garë për Topin e Artë.

“Kur flitet aq shumë për të, natyrisht, do të mendosh pak”, përfundoi rrëfimin e tij 29-vjeçari. /Telegrafi/