Jon Jones reagon ndaj Francis Ngannou pas fitores ndaj Stipe Miocic në UFC 260

Jon Jones ka reaguar ndaj Francis Ngannou në mënyrë të bujshme pasi ky i fundit u bë kampioni i ri i peshave të rënda në UFC, pas fitores së tij mahnitëse ndaj Stipe Miocic me nokaut.

Ngannou rrëzoi nga froni Stipe Miocic në titullin e peshave të rënda të UFC, duke  e ‘shkatërruar’ me një nokaut brutal në ngjarjen kryesore të UFC 260.

Pas triumfit, luftëtari nga Kameruni ka thënë se dëshiron të ndeshet me legjendën, amerikanin Jones.

“Sipas mendimit tim ai është më i madhi i të gjitha kohërave. Do të ishte një sfidë shumë e mirë për mua dhe do të ishte mirë për rezymenë time. Por këtë herë ai është sfiduesi, unë jam kampion dhe ai po vjen dhe po më kërkon”.

“Unë jam gati, në çdo kohë së shpejti. Nëse është verë – korrik ose gusht – unë jam gati, vetëm më tregoni paratë”, ka thënë Ngannou pas ndeshjes.

I menjëhershëm ka qenë reagimi i Jones, i cili i dërgoi një mesazh në Twitter.

“Më trego paratë”, ishte fillimisht mesazh i shkurt i Jones në profilin e tij privat.

“Nëse dikush po mendon nëse dua vërtet të luftoj, përgjigjja është po. Unë gjithashtu dua vërtet të paguhem”, ishte mesazhi tjetër i “The Bones”. /Telegrafi/

Show me the money

— BONY (@JonnyBones) March 28, 2021

If anyone is wondering if I really want to fight, the answer is yes. I also really want to get paid.

— BONY (@JonnyBones) March 28, 2021