Joaquin, legjenda e futbollit spanjoll do të pensionohet në fund të sezonit

Legjenda e futbollit spanjoll, Joaquin Sanchez, aktualisht lojtari më i vjetër në pesë ligat e madha, njoftoi se do t’i japë fund karrierës së tij si lojtar në fund të sezonit.

Legjenda e Real Betis tha në një video të postuar në rrjetet sociale të klubit: “Jo çdo gjë zgjat përgjithmonë. E vetmja gjë që më ka mbetur është të var këpucët, artin tim, në një gozhdë. Një dritare drejt përjetësisë”.

Sezoni aktual është i 24-ti për Joaquin në karrierën e tij seniore, dhe ai luajti më së shumti, 14 prej tyre, në Betis.

🌟🔚😢

Lloremos.#Joaking pic.twitter.com/EQJy7ELwls

— Real Betis Balompié 🌴💚 (@RealBetis) April 19, 2023

Ai ka luajtur edhe për Valencian, Malagan dhe Fiorentinan. Në total, ai luajti në 839 ndeshje në karrierën e tij, duke shënuar 112 gola dhe duke dhënë 102 asistime.

Ai luajti 51 herë për kombëtaren spanjolle dhe shënoi katër gola.

𝗬𝗼 𝘃𝗶 𝗷𝘂𝗴𝗮𝗿 𝗮 𝗝𝗼𝗮𝗾𝘂𝗶́𝗻.#Joaking pic.twitter.com/mq7Ayfudke

— Real Betis Balompié 🌴💚 (@RealBetis) April 19, 2023

Në karrierën e tij, ai fitoi tre trofe – të tre herë ishte Kupën e Mbretit. Ai e fitoi atë dy herë me Betis (2005 dhe 2022) dhe një herë me Valencia (2008).

Ai ka ende një shans për t’u bërë rekordmeni i La Ligës për numrin e paraqitjeve.

👏👏👏

Las leyendas son para siempre.#Joaking pic.twitter.com/UiKka2bm2I

— Real Betis Balompié 🌴💚 (@RealBetis) April 19, 2023

Për momentin në krye është Andoni Zubizarreta me 622 ndeshje të luajtura, ndërsa Joaquin ka shtatë më pak.

Deri në fund të sezonit kanë mbetur edhe nëntë ndeshje në kampionatin spanjoll. /Telegrafi/