Para se të martohej, aktorja kishte nënshkruar një kontratë me të, e cila ishte kryesisht në favor të saj.

Sot, si një bombë, lajmi ka marrë dhenë teksa raportohet se Jennifer Aniston është duke u ndarë nga bashkëshorti Justin Theroux.

Spekulimet rreth ndarjes së pasurisë filluan pas shkrimeve rreth ndarjes së pronës ndërsa “US Weekly” shkruan se çifti para dasmës ka nënshkruar një kontratë të jashtëzakonshme, e cila gjithashtu shkon në dobi të Anistonit.

Jennifer ka një kontratë të “çeliktë” me Justinin dhe do të jetë e vështirë që ta ndryshojë atë. Bisedat mbi kontratën ishin afatgjate dhe intensive”, thotë një burim i afërt me çiftin.

“Pasuria e patundshme e Jennifer Anistonot dhe të ardhurat e saj nga seriali “Friends” janë të mbrojtura”, pretendon ky bashkëbisedues për revistën amerikane.

Vlerësohet se Jennifer fitoi 200 milionë dollarë gjatë karrierës së saj. Në dy sezonet e fundit, “Friends”, ajo është paguar një milion dollarë për episod.

Ndryshe, mediat amerikane kanë raportuar se Aniston dëshiron t’i kthehet ish të dashurit, Brad Pitt, i cili është ndarë muaj më parë nga Angelina Jolie. /Telegrafi/