Jamal Musiala shpjegon pse ishte i tmerruar kur iu bashkua stërvitjes së ekipit të parë te Bayern Munich

Jamal Musiala ka dhënë një intervistë për FourFourTwo duke treguar se sa nervoz ishte kur u bashkua në stërvitjen e tij të parë të Bayern Munichut.

Talent i mrekullueshëm u transferua te Bayern në vitin 2019 nga akademia e Chelseat – por vetëm një vit më vonë, ai bëri debutimin e tij në Bundesligë për t’u bërë lojtari më i ri i Bayernit në Bundesligë, vetëm 17 vjeç e 115 ditë.

Por, ndërsa gjakftohtësia e tij me top dhe sjellja e qetë mund të sugjerojnë se ai ishte i gatshëmpër hapin e madh, ndërsa Musiala tani i thotë FFT se ai ishte larg nga relaksimi kur filloi të stërvitej me Alphonso Davies dhe Thomas Muller.

“Me të vërtetë nuk e prisja të përfshihesha kaq herët në ekipin e parë”, rrëfeu Musiala. “Mbaj mend seancën time të parë stërvitore me ekipin e parë të Bayernit. Isha kaq nervoz”.

“Robert Leëandoëski ishte duke bërë praktikë gjuajtjeje – ai nuk dështoi një herë. Joshua Kimmich ishte duke shëtitur, duke e gjuajtur topin me kaq lehtësi. Çdo kalim ishte perfekt. Alphonso Davies më doli me shpejtësi dhe mendova me vete: ‘O njeri, kjo është e çmendur’. Kisha frikë të bëja një gabim”.

Pavarësisht se është i rrethuar nga super yje, megjithatë, 20-vjeçari thotë se kolegët e tij e bënë të ndihej plotësisht i qetë – duke bërë shaka ndonjëherë me të. Megjithatë, kjo e bëri atë të ndihej pjesë e grupit, sidomos afrimi i Thomas Muller.

“Ata janë shumë të mirë me lojtarët e rinj këtu”, thotë Musiala duke buzëqeshur. “Të gjithë talleshin me mua që isha kaq i ri, por më bëri të ndihesha sikur isha pjesë e ekipit menjëherë. Thomas Muller është i jashtëzakonshëm: ai është kaq inteligjent dhe ka një shumë i afërt”.

“Ai është shumë kërkues në stërvitje – ai më shtyn të jem më i mirë”, ka vazhduar më tej Musiala. /Telegrafi/