Jaguar prezanton zyrtarisht konceptin e ri, me dizajnin e Type 00 disa janë të tmerruar – të tjerët të kënaqur

Prodhuesi i veturave luksoze Jaguar ka zbuluar konceptin e tij të ri elektrik, më pak se dy javë pasi publikoi një video ngacmuese që ngjalli reagime të ndryshme.

Prezantimi i modelit të ri Type 00 shkaktoi reagime të shumta nga përdoruesit e rrjeteve sociale – disa e vlerësuan dizajnin e tij, ndërsa të tjerë e tallnin, transmeton Telegrafi.

Muajin e kaluar, shumë kritikë theksuan se videoja promovuese që shpalli modelin e ri nuk tregonte fare modelin e ri të veturës, por kompania mori vlerësime nga disa për “qasjen e re të guximshme”.

Copy nothing. #Jaguar pic.twitter.com/BfVhc3l09B

— Jaguar (@Jaguar) November 19, 2024

Prodhuesi i automjeteve, i cili është në mes të transformimit më të madh në historinë e tij, zbuloi një logo të re dhe lansoi një të ashtuquajtur “ngacmues të mediave sociale”.

Gjatë lansimit të Type 00 në Miami, shefi i kompanisë Gerry McGovern tha se i pëlqente se sa vëmendje po merrte Jaguari i ri.

“Tashmë ka nxitur emocione dhe do të vazhdojë ta bëjë këtë. Jaguar nuk ka dëshirë të jetë i dashur nga absolutisht të gjithë”, shtoi ai.

“Type 00 përfaqëson thelbin e pastër të filozofisë së re krijuese të Jaguar. Ky është rezultat i të menduarit krijues të guximshëm, të pakufishëm dhe vendosmërisë së palëkundur. Është themeli për një familje të re Jaguar që do të duket si asgjë që keni parë më parë”, tha për fund ai.

Reagimet në postimet e Jaguar në rrjetet sociale për veturën varionin nga “shpresojmë që kjo të mos dalë kurrë” në “eksituese” dhe “absolutisht mahnitëse”.

Analisti i industrisë së automjeteve Karl Brauer ishte skeptik për riemërimin.

Jaguar Type 00, presented by our Chief Creative Officer Professor Gerry McGovern OBE.

A new design philosophy. pic.twitter.com/HNf6sq48Tf

— Jaguar (@Jaguar) December 3, 2024

“Kompania duket se po sakrifikon të kaluarën e Jaguar me shpresën për një të ardhme më të mirë. Unë nuk mendoj se do të funksionojë”, tha ai për BBC.

Muajin e kaluar, kompania u bëri thirrje njerëzve që “të kenë besim dhe të përmbahen nga kritikat” në lidhje me riemërimin.

Më herët në nëntor, Jaguar Land Rover (JLR) ndaloi shitjen e veturave të reja Jaguar në Britani të Madhe.

Kompania tha se ishte një lëvizje e qëllimshme për të “krijuar hapësirë ​​për frymëmarrje” përpara se të lansonte markën e re.

Type 00 in London Blue and Miami Pink, revealed at Miami Art Week.

London Blue honours the iconic Opalescent Silver Blue of the 1960s E-type.

Miami Pink pays tribute to the city’s pastel colours and Art Deco architecture.

——

Finer points in the comment section. pic.twitter.com/nc91ljpeOW

— Jaguar (@Jaguar) December 3, 2024

Jaguar këmbëngul se Type 00 është shumë afër prodhimit serik që do të shfaqet pas një viti. Prodhimi serik nënkupton një GT me katër ulëse me çmim më të madh se 135,000 euro, me shumë mundësi me dyer si ato të një Rolls-Royce ose Ferrari Purosangue (si dhe koncepti Jaguar R-D6 i vitit 2003).

Platforma e re JEA do të përbëjë bazën për të gjithë familjen elektrike të Jaguar. Premtohet një rreze deri në 770 kilometra dhe mundësia e karikimit të shpejtë prej vetëm 15 minuta është po aq e rëndësishme. Sa e madhe dhe e rëndë do të jetë bateria, mbetet për t’u parë. /Telegrafi/