Në shumë kultura të popujve pemët hahen pas racionit, mirëpo ky trend është i domosdoshëm të ndryshohet

Ekspertët rekomandojnë që pemët duhet të hahen 20 deri 30 minuta para racionit, transmeton Telegrafi.

Arsyeja kryesore për këtë është ajo që frutat përmbajnë sheqer dhe për këtë shkak u nevojitet më shumë kohë që të treten. Veç kësaj, nëse hani pemë pas racionit, humben materiet ushqyese të pemëve.

Në vazhdim janë disa nga arsyet kryesore përse pemët duhet ngrënë para racionit:

Pemët gjithmonë duhet ngrënë përafërsisht gjysmë ore para ushqimit. Nëse dëshironi të hani pemë pas ushqimit, do të zvogëloni edhe sasinë e racionit, sepse do të ndiheni të ngopur.

Duke pasur parasysh që trupi ynë nuk merr ushqim gjatë tetë deri në 9 orë në gjumë, rekomandohet të përfshini çdo mëngjes në ushqimin tuaj (para kafjalli). Kjo ndihmon në ngritjen e nivelit të energjisë. Konsumimi i pemëve është mënyrë e mirë për fillimin e ditës.

Shmangni pemët si shtesë për racion. Gjithashtu, konsumimi i pemëve si desert nuk jep rezultate edhe aq të mira për trupin, posaçërisht nëse frutat janë të prera dhe të përziera me sheqer.

Përpiquni të shmangni pemët e konservuara, të ngrira apo ato të përpunuara. Frutat e tilla kanë përmbajtje të lartë sheqeri, konservans apo shtesa të tjera kimike të cilat mund të jenë të dëmshme për trupin.

Konsumimi i frutave të shëndetshme çdo mëngjes në lukth të zbrazët, ndihmon trupin që të absorbojë të gjitha elementet e nevojshme qenësore të cilat gjenden në pemë. /Telegrafi/