Agjenda e kombëtares shqiptare ka qenë e qartë nga mëngjesi, ku skuadra nuk ka lëvizur nga hoteli, e pas mëngjesit të lehtë, të gjithë futbollistët kanë pushuar.
Burimet e Telegrafit në Elbasan mësojnë se kombëtarja po qëndron në hotelin “Universe” në qytetin e Elbasanit.
Ky hotel gjendet 400 metra larg stadiumit Elbasan Arena, ku edhe do të zhvillohet ndeshja ndaj Armenisë.
Hoteli po vështrohet nga forca të shumta policore dhe në mënyrë strikte ndalohet hyrja e tifozëve për të takuar lojtarët e ekipit kombëtar.
Futbollistët mësohet se janë shumë të fokusuar dhe pas drekës po bëjnë përgatitjet përfundimtare psikologjike për ndeshjen ku vlejnë vetëm tri pikët./Telegrafi/
