Iu bashkua skuadrës kineze, mediat kroate zbulojnë super kontratën e Arijan Ademit në Azi

Arijan Ademi është larguar nga Dinamo Zagreb pas një jete të tërë.

Mesfushori shqiptar ka qenë pjesë e gjigantit që 13 vite, pasi e veshi fanellën e tyre që nga vera e vitit 2010 kur iu bashkua nga HNK Sibenik.

Por Ademi ka vendosur të bëj një hap tjetër në karrierë, duke nënshkruar një kontratë e cila do ‘t’ia sigurojë jetën’ pasi është shumë e mirë financiarisht. 31-vjeçari është transferuar për një milionë euro te skuadra kineze Bejing Gouan.

Mediat kroate kanë zbuluar edhe detaje nga kontrata e re e Ademit me skuadrën e re, pasi mesfushori shqiptar nga Maqedonia e Veriut kërkoi mirëkuptimin e Dinamos për ta lënë të lirë.

Ademi ka nënshkruar kontratë trevjeçare me skuadrën kineze, ndërsa është raportuar se do të përfitojë 2.8 milionë euro në sezon bruto, apo 1,4 neto që është maksimumi i lejuar në elitën e futbollit kinez.

Lexo po ashtu Arijan Ademi po largohet nga Dinamo Zagreb pas 13 viteve, do ta nënshkruajë kontratën e jetës me klubin e ri

Për reprezentuesin e Maqedonisë së Veriut ka pasur shumë oferta viteve të fundit nga klube të njohura evropiane, por ai kishte vendosur t’i qëndronte besnik Dinamos.

Gjatë qëndrimit të tij në Dinamo, Ademi ka fituar 11 herë titullin e kampionit në Kroaci dhe 4 herë të tjera Kupën. /Telegrafi/