“Ishte një fushë e vështirë, nuk e mendoja se do të kishte diçka të tillë më 2023”, Adrian Mutu me kritika për terrenin

Legjenda rumune, tani trajner i Rapid Bukurest, Adrian Mutu ka kritikuar kushtet e fushës “Fadil Vokrri” pas barazimit 0-0 të Kosovës me Rumaninë në kuadër të kualifikuese për “Euro 2024”.

Dardanët nuk arritën më shumë se një barazim pa gola në shtëpi ndaj Rumanisë, duke shkuar në tri barazime radhazi nga tri ndeshjet e para të Grupit I.

Megjithatë, barazimi nuk i ka pëlqyer as legjendës rumune, Adrian Mutu, i cili përveç kritikave për lojën, pati kritika edhe për gjendjen e fushës në “Fadil Vokrri”.

“Nuk arritëm të bënim shumë në fazën sulmuese. Ne e lejuam veten të dominoheshim, ndoshta me qëllim”, ka thënë fillimisht Mutu për Antena 1.

“Ne provuam me anë të kundërsulmuesve, të cilat na sollën disa situata të rrezikshme”.

“Ishte një fushë e vështirë, nuk mund ta besoj që në vitin 2023 ka ende një kombëtare që mund të luajë në një fushë të tillë”.

“Na vuri në vështirësi, por nuk u përpoqëm të ndërtonim lojë dhe aksione”, përfundoi ish-sulmuesi i njohur.

Ndryshe, situata në Grupin I është me Zvicrën në vendin e parë me 9 pikë, Romania e dyta me 7 pikë, Izraeli i treti me 4 pikë, Kosova e katërta me tri pikë, Andorra e pesta me 1 pikë dhe Bjellorusia e gjashta pa pikë.

Në ndeshjen e ardhshme, më 19 qershor, Kosova luan në Hungari ndaj Bjellorusisë, ndërsa Rumania udhëton te Zvicra. /Telegrafi/