Irani thotë se ka ekzekutuar një ish-punonjës të ministrisë së mbrojtjes pasi i njëjti u kishte shitur informacione SHBA-së.

Sipas mediave të huaja, përcjell Telegrafi, ekzekutimi i Reza Asgarit u bë javën e kaluar, tha zëdhënësi i autoriteteve gjyqësore, Gholamhossein Esmaili.

Esmaili deklaroi se Asgari u kishte dhënë informacione CIA-së për sa i përket programit të raketave të Iranit, pasi ishte pensionuar nga sektori i hapësirës ajrore të ministrisë së mbrojtjes në vitin 2016.

Autoritetet nuk kanë njoftuar për arrestimin e tij, madje edhe për procedurat gjyqësore që Asgar duhej t’i kalonte deri në ekzekutim.

Zëdhënësi në Iran e bëri njoftimin derisa iu përgjigj pyetjes në lidhje me një person tjetër i cili ishte i dënuar për spiunazh. /Telegrafi/