Interi njofton Napolin se ka filluar bisedimet me Piotr Zielinskin, lojtari do të kalojë falas te zikaltërit

Interi ka bërë një hap përpara për mesfushorin polak Piotr Zielinski, duke njoftuar zyrtarisht Napolin se po vazhdon negociatat me lojtarin.

Kontrata e 29-vjeçarit skadon me Napolin në fund të këtij sezoni dhe nuk do të rinovohet pas një raundi bisedimesh me presidentin e klubit Aurelio De Laurentiis në gjysmën e parë të sezonit.

Interi beson se Zielinski do të jetë një plus i madh për mesfushën me pesë lojtarë të Simone Inzaghit dhe ka negociuar me menaxherin e tij për javë të tëra.

Gazzetta dello Sport shkruan se Interi ka informuar Napolin për bisedimet në vazhdim me Zielinski, një hap i domosdoshëm përpara se ai të mund t’i nënshtrohet testeve mjekësore dhe të nënshkruajë parakontratën e tij me klubin.

Mesfushori polak pritet të nënshkruajë kontratën e tij – me një marrëveshje katërvjeçare me vlerë 4.5 milionë euro plus mbi 500,000 euro bonuse – në fund të këtij muaji.

Lexo po ashtu Zielinski arrin marrëveshje verbale me Interin përpara transferimit të lirë në verës

Kjo do të ndodh pas ndeshjes së parë të raundit të parë eliminator të Ligës së Kampionëve. /Telegrafi/