Interi raportohet se ka ndërruar vëmendjen dhe tani ka kthyer shikimin ka sulmuesi i Paris Saint-Germain, Edinson Cavani.

Manchester United vazhdon të kërkojë më shumë se 80 milionë euro për Lukakun, të cilat Interi nuk janë të gatshëm t’i shpenzojnë.

Me këtë në mendje, Tuttosport dhe Corriere dello Sport pretendojnë se alternativa e yllit belg është Cavani.

United e lë përsëri jashtë skuadre Lukakun, projektohet shitja te Interi United e lë përsëri jashtë skuadre Lukakun, projektohet shitja te Interi

Ish-sulmuesi i Napolit shihet si një opsion më i lirë, pasi ai është 32 vjeç dhe ka mbetur me vetëm edhe një vit në kontratën e tij me PSG-në.

Nerazzurrët gjithashtu do të ishin në gjendje t’i ofrojnë atij një rrogë prej nëntë milionë eurosh, një rënie e lehtë në fitimet e tij aktuale prej 12 milionë euro në sezon.

Cavani është njëri nga sulmuesit më të mirë në botë viteve të fundit (Foto: Srdjan Stevanovic/Getty Images/Guliver)

Sulmuesi uruguaian ka shënuar 193 gola në 279 ndeshje për klubin francez, ndërsa ka fituar edhe pesë tituj të Ligue 1.

Ai shënoi më shumë se 100 herë për Napolin në mes të viteve 2010 dhe 2013, përpara transferimit të tij prej 64 milionë euro në PSG. /Telegrafi/