Interi gjurmon gjithë Evropën për një mbrojtës të krahut të djathtë, ka katër alternativa

Interi ka hedhur rrjetën dhe është në kërkim të gjerë për të gjetur një nënshkrim të ri për pozitën e mbrojtësit të djathtë.

Nerazzurrët janë rikthyer në Ligën e Kampionëve pas gjashtë vitesh dhe tani synojnë të jenë konkurrues qysh në sezonin e tyre të parë.

Gjigantët italianë kanë nënshkruar tashmë me pesë lojtarë të rinj, por kjo nuk është e tëra pasi duan ende përforcime.

Lexo po ashtu Të gjitha lajmet rreth Interit

Sipas Gazzetta dello Sport, Interi po gjurmon gjithë Evropën për të gjetur një mbrojtës të ri të krahut të djathtë për skuadrën e trajnerit Luciano Spalletti.

Mbrojtësi i Manchester Unitedit, Matteo Darmian dhe Alessandro Florenzi i Romës, janë të dy duke u konsideruar – dhe vlerësohen nga 20 milionë euro.

Edhe mbrojtësi kroat i Atletico Madridit, Sime Vrsaljko gjithashtu po gjurmohet, ashtu sikurse italiani Davide Zappacosta.

Lexo po ashtu Atletico refuzon ofertën e parë të Interit për Vrsaljkon

Mediumi italian sugjeron që mbrojtësi i Chelseat tani po shfaqet si më i mundshmi që do të nënshkruhet nga Interi në ditët e ardhshme.

Si emër i mundshëm është përmendur edhe mbrojtësi i talentuar i Bayer Leverkusenit, Benjamin Henrisch. /Telegrafi/