Ia vjedhin këngën dhe nuk e pyesin për të drejtat autoriale, Blero kërcënon reperët gjermanë: Keni 24 orë kohë për të njohur autorësinë time

Të gjithë pothuajse e mbajnë mend hitin e pavdekshëm të këngëtarit Blero, “Kthehu ti”.

Kënga e cila ishte një krijim i tij, duket se ka rënë në veshin e këngëtarëve të huaj.

Përkatësisht dy reperë gjermanë të quajtur Bato dhe Calo, kanë vjedhur tërësisht vijën melodike të këngës “Kthehu ti” në projektin e tyre të ri muzikor.

Reperët gjerman kanë publikuar një këngë në gjermanisht të quajtur “Zeit zu gehen”, harmoania e së cilës është identike me atë të këngës “Kthehu ti”

Telegrafi ka mësuar nga burime pranë këngëtarit, se Clo(rona)1444 nuk kanë marrë fare leje nga ai për përdorimin e vijës melodike.

I kontaktuar nga Telegrafi, Blero e konfirmoi një gjë të tillë, duke thënë se ka kontaktuar me menaxhmentin e grupit gjerman dhe u ka dhënë atyre afat vetëm 24 orë kohë që të largojnë këngën nga rrjetet sociale.

“Po është e vërtetë për plagjiaturën nga grup gjerman. Unë kam kontaktuar me ta dhe u kam dhënë afat vetëm 24 orë kohë për ta larguar këngën nga rrjetet sociale, pasi ata nuk e kanë në pronësi këngën. Të njëjtët as nuk kanë kërkuar të drejtat autoriale nga unë, apo blerjen e këngës. E kanë marrë pa pyetur dhe kjo gjë është e patolerushme”, ka thënë Blero për Telegrafin.

View this post on Instagram

A post shared by BLERO (@bleromuharremi) on Mar 28, 2020 at 7:27am PDT

Blero njihet si një prej këngëtarëve shqiptare i cili ka një krijimtari të madhe artistike dhe është treguar gjithmonë korrekt sa i përket autorësisë së projekteve muzikore të tij. /Telegrafi/