Alec Baldwin dhe gruaja e tij, Hilaria Baldwin, janë në pritje të fëmijës së tyre të shtatë së bashku.

Lajmi është bërë i ditur përmes një postimi të shpërndarë në rrjete sociale, saktësisht Instagram.

Videoja në fjalë shfaq çiftin të emocionuar së bashku me gjashtë fëmijët e tyre: vajzat Maria Lucia Victoria , 13 muajsh dhe Carmen Gabriela , tetë vjeçe, dhe djemtë Rafael Thomas., gjashtë vjeç, Leonardo Angel Charles , pesë vjeç, Romeo Alejandro David, tre vjeç dhe Eduardo “Edu” Pao Lucas , 18 muajsh.

Alec është gjithashtu baba i vajzës 26-vjeçare Ireland Baldwin, të cilën e ndan me ish-bashkëshorten, Kim Basinger.

Në klip, Hilaria ulet në dysheme, ndërsa Alec bie në gjunjë pranë saj dhe fëmijët e tyre buzëqeshin për kamerën.

Alec Baldwin në përkrahje të Chris Rock pas shuplakës së Will Smith në “Oscars 2022” Alec Baldwin në përkrahje të Chris Rock pas shuplakës së Will Smith në “Oscars 2022”

“Pas shumë ulje-ngritjeve gjatë viteve të fundit, ne kemi një ngritje emocionuese dhe një surprizë të madhe: një tjetër Baldwinito do të vijë këtë vjeshtë”, ka shkruar Hilaria krahas klipit.

View this post on Instagram

A post shared by Hilaria Thomas Baldwin (@hilariabaldwin)

“Ne ishim shumë të sigurt se familja jonë ishte e kompletuar dhe ne jemi përtej të lumtur me këtë befasi. Po ndaj me ju momentin që u thamë fëmijëve – siç mund ta shihni, ata janë shumë të emocionuar”, vazhdoi ajo.

Lajmet për shtatzëninë e Hilarias vijnë pasi ajo pësoi një abort dhe një humbje shtatzënie në vitin 2019. /Telegrafi/